Увс аймгийн “Увс нуур” бөхийн галын наадмын сорилго барилдаан өргөн дэлгэр боллоо. Энэ барилдаанд “Увс нуур” галын хүчтэнүүд, Сүхбаатар аймгийн “Жавхлант” дэвжээний бөхчүүд, Баян-Өлгий аймгийн “Өлгийн хүчтэн” дэвжээ, Өмнөговь аймгийн “Говийн хүчтэн” дэвжээ, Завхан аймгийн “Завхан” дэвжээ, “Сүлд” спорт хорооны залуу хүчтэнүүд хүч сорилоо. Улсын аварга Н.Батсуурь, улсын арслан П.Бүрэнтөгс, улсын харцага А.Бямбажав, улсын харцага Б.Бат-Өлзий, улсын харцага Ш.Мөнгөнбаатар  нарын тэргүүтэй хүчит 128 бөх зодоглосноос Увс аймгийн Ховд сумын харьяат, улсын аварга Намсрайжавын Батсуурь түрүүллээ.

Аваргын хувьд бэлтгэл сургууль тун чамбай байгаа нь илт байв. Үзүүрт улсын арслан Пүрэвийн Бүрэнтөгс шалгарсан бөгөөд арслан жин нэмж, бяр ихтэй байгаа нь харагдаж байлаа. Их шөвөгт Баян-Өлгий аймгийн Улаанхус сумын харьяат, улсын начин Б.Серик, Өмнөговь аймгийн Булган сумын харьяат, аймгийн хурц арслан Б.Мижидсүрэн нар шалгарав. Начны хувьд өөрийн галын сорилгод түрүүлсэн бол говийн хурц арслан Б.Мижидсүрэн цол ижил Э.Ууганбаяр, улсын харцага Б.Бат-Өлзий нарын бяртай бөхчүүдийг өвдөг шороодуулан, тав давсан юм.

Барилдааны оноолтыг гурвын даваанаас үзнэ үү.

Гурвын даваа

1. Н.БАТСУУРЬ у.ав – С.Буянсүрэн а.н.н
2. П.БҮРЭНТӨГС у.ар – Ц.Билэгсайхан с.з
3. А.БЯМБАЖАВ у.х – Г.Цоггэрэл а.н
4. Б.БАТ-ӨЛЗИЙ у.х – М.Амарсанаа а.н.н
5. Ш.Мөнгөнбаатар у.х –Э.УУГАНБАЯР а.х.а
6. Ж.Алтансүх у.н – Х.ОРГИЛБОЛД а.а
7. Б.НАСАНДЭЛГЭР у.н – Б.Өсөхбаяр с.з
8. Ц.Одбаяр у.н – О.ТҮМЭН а.з
9. Б.Ганзориг у.н – М.АДЬЯАХҮҮ а.х
10. Б.СЕРИК у.н – Ц.Саранзолбоо а.н.н
11. Ш.ДАРХАНБАТ у.н – Д.Тогтохжаргал а.а
12. О.Гантулга а.х.а – Б.БОЛДБААТАР а.з
13. Б.МИЖИДСҮРЭН а.х.а – Цо.Мөнхбаяр а.а
14. Л.Цээсүрэн а.а – Д.ХҮДЭРБУЛГА а.а
15. П.ӨСӨХБААТАР а.а – Н.Хүрэлсүх а.а
16. Ж.Ням-Эрдэнэ а.а – Ч.ЭРДЭНЭСАЙХАН а.а

Дөрвийн даваа

1. Н.БАТСУУРЬ – М.Адьяахүү
2. П.БҮРЭНТӨГС – О.Түмэн
3. А.Бямбажав – Б.БОЛДБААТАР
4. Б.БАТ-ӨЛЗИЙ – Д.Хүдэрбулга
5. Б.Насандэлгэр – Ч.ЭРДЭНЭСАЙХАН
6. Б.СЕРИК – Х.Оргилболд
7. Ш.ДАРХАНБАТ – П.Өсөхбаатар
8. Б.МИЖИДСҮРЭН – Э.Ууганбаяр

Тавын даваа

1. Н.БАТСУУРЬ – Ч.Эрдэнэсайхан
2. П.БҮРЭНТӨГС – Ш.Дарханбат
3. Б.Бат-Өлзий – Б.МИЖИДСҮРЭН
4. Б.СЕРИК – Б.Болдбаатар

Зургаагийн даваа

1. Н.БАТСУУРЬ – Б.Мижидсүрэн
2. П.БҮРЭНТӨГС – Б.Серик

Долоогийн даваа

1. Н.БАТСУУРЬ – П.Бүрэнтөгс

Т.Түмэндэмбэрэл