ГААЛИЙН БАЙГУУЛЛАГА  УЛСЫН ТӨСӨВТ 1.45 ИХ НАЯД ТӨГРӨГ ТӨВЛӨРҮҮЛЛЭЭ

Гаалийн байгууллага энэ оны эхний 6 сард улсын төсөвт 1.43 их наяд төгрөгийн орлого төвлөрүүлэх төлөвлөгөөтэйгөөс 1.45 их наяд төгрөгийн орлого төвлөрүүлжээ. 1.7 хувиар буюу 23.77 тэрбум төгрөгөөр давуулан биелүүлж ажиллалаа. 

Орлогын гүйцэтгэлийг нэр төрлөөр нь өнгөрсөн онтой харьцуулбал нийт орлого өнгөрсөн оны мөн үеэс 241 тэрбум төгрөгөөр өссөн байна. Орлого нэр төрлөөрөө дараах өсөлт, бууралттай байна:

• Гаалийн албан татвар 54.23 тэрбум төгрөг,
• Нэмэгдсэн өртгийн албан татвар 117.16 тэрбум төгрөг,
• Архи дарсны онцгой албан татвар 0.70 тэрбум төгрөг,
• Тамхины онцгой албан татвар 10.79 тэрбум төгрөг,
• Суудлын автомашины онцгой албан татвар 34.93 тэрбум төгрөг,
• Автобензин, дизелийн түлшний онцгой албан татвар 22.57 тэрбум төгрөг
• Автобензин, дизелийн түлшний албан татвар 1.86 тэрбум төгрөгөөр өөр тус тус өсч,

• Шар айрагны онцгой албан татвар 0.44 тэрбум төгрөг,
• Өөрийн орлого 0.01 тэрбум төгрөг,
• Хураамж 0.73 тэрбум төгрөгөөр тус тус буурчээ.

Энэ оны эхний 6 сард тэрбум ам.долларын бараа оруулсан нь өмнөх оны мөн үеэс 5.5%-иар өсчээ.

Энэ оны эхний 6 сард импортоор 2.9 тэрбум ам.долларын бараа оруулж өнгөрсөн оны мөн үеэс 5.5 хувиар өссөн байна. Импортын ам.доллараар илэрхийлсэн энэ дүнгийн өсөлт болон төгрөгийн ханшны сулралт/10.2%/-ын үр дүнд төгрөгөөр илэрхийлсэн импортын дүн 7608.1 тэрбум төгрөгт хүрч өнгөрсөн оны мөн үеэс 1060.7 тэрбум төгрөгөөр буюу 16.2 хувиар нэмэгдсэн байна.

Импортын энэ өсөлтөд автобензин, дизелийн түлш, тоног төхөөрөмж, төмөрлөг бүтээгдэхүүн, бүх төрлийн автомашины өсөлт голлон нөлөөлсөн байна.