Өнөөдөр болох үйл явдлуудыг хүргэж байна.

09.00

• “Кемпински Хаан Палас” зочид буудалд “Асаргааны хэрэгцээ ба шийдэл” хэлэлцүүлэг болно.
• ХААИС-д “Гамшгийг даван туулах чадавхийг сайжруулахад технологийн болон уламжлалт аргыг ашиглах нь” төслийн хаалтын хурал болно.

09.30 Сүхбаатарын талбайд УИХ-ын дарга Г.Занданшатар Монгол Улсад албан ёсны айлчал хийж буй Швейцарын Холбооны Улсын Үндэсний Зөвлөлийн дарга Марина Кароббио Гүшэттиг угтана.

10.00

• Багш хөгжлийн ордонд ирэх хичээлийн жилийн сургалтын бүтэц, сургалтын хөтөлбөр, төлөвлөгөөний хэлэлцүүлэг болно.
• “Оюу толгой” компанийн байранд Улсаа аврах ард түмний хөдөлгөөнөөс Оюу толгой төслийн хөрөнгө оруулалтын гэрээг цуцлах талаар мэдээлнэ.

10.30 НМХГ-аас зөрчилтэй барилга, ухсан нүх, хөдөлмөрийн  аюулгүй ажиллагаа алдсаны улмаас гарсан зөрчлийн талаар мэдээлнэ.

11.00

• Дэлхийн банкнаас өөрийн байрандаа “Төсвийн зардлын тойм судалгаа”-г танилцуулна.
• АТГ-т тус газрын дэргэдэх Олон нийтийн зөвлөлөөс “Албан тушаалын гэмт хэрэгтэй тэмцэхэд сэтгүүлчдийн оролцоо, эрч хүч сэдвээр” нээлттэй уулзалт зохион байгуулна.
• “Монгол ньюс” мэдээллийн төвд “Ц.Нямдоржийг огцруулах хөдөлгөөн”-ий тэргүүн Т.Энхсайхан цаг үеийн асуудлаар мэдээлнэ.

11.30 “Үндэсний  мэдээллийн төв”-д иргэний нийгмийн байгууллагууд, ТББ-ээд нэгдэн шүүхийн шинэчлэлийн талаар болон Улсын дээд шүүхийн шүүгч нарыг огцруулах баримтын талаар мэдээлнэ.

12.00

• Улаанбаатар сувилалд "Хүнд хортой металлын бохирдол болон ургамлын судалгаа" олон улсын II симпозиум болно.
• “Монголд бид үйлдвэрлэв" ТББ-аас “Үндэсний  мэдээллийн төв”-д ЖДҮХС болон Чингис бондын талаар мэдээлнэ.