"Эрүүл мэндийн даатгалын цахим шинэчлэл" сэдвээр ЭМДЕГ-ын Мэдээлэл технологийн хэлтсийн дарга Х.Бат-Оргил мэдээлэл хүргэж байна.

Хуулиар тогтоосон эрүүл мэндийн тусламж үйлчилгээг цахимжуулан, үе шаттай нэвтрүүлэн ажиллаж байна.

1. Даатгалын цэнхэр дэвтрийг халсан.  Өмнө үйлчилгээ авахдаа цэнхэр дэвтэрт байгууллагаасаа заавал тамга даруулдаг. Мөн даатгалын байгууллагад татвараа төлсөн гэдгээ мөн тамга даруулж цаасаар баталгаажуулдаг байв. Үүнийг шийдэж, цэнхэр дэвтрийг халж, төлбөрийн мэдээллийг цахим мэдээллийн санд оруулсан. Гэрээтэй байгууллагуудаар иргэд үйлчлүүлэх үед цахимаар харах боломжтой болсон.

2.Эрүүл мэндийн даатгалын тухай хуулиар аавал төлөх ёстой албан журмын даатгал гэж бий. Эрүүл мэндийн гэнэтийн асуудал үүсэх үед эрүүл мэндийн байгууллагад хандах үед тухайн иргэн даатгалаа төлөөгүй байвал үйлчилгээ авах боломжгүй байв. Өөрөөр хэлбэл банканд дараалал хүлээж, бэлэн мөнгөөр төлбөрөө хийж, баримтаа буцааж системд бүртгүүлэхэд 24 цаг болдог байсан. Харин одоо иргэд үүнийг Edaatgal гар утасны аппликейшнээр төлснөөр 4-6 минутын дараа шаардлагатай үйлчилгээгээг авах боломжтой болсон.

3. Эрүүл мэндийн үйлчилгээг иргэдийн гарт атгуулсан. Хүний өмнөөс үйлчилгээ авсан эсвэл аваагүйг нь авсан болгож даатгалын байгууллага руу нэхэмжилдэг асуудлыг хязгаарлахын тулд хурууны хээн мэдээллийг авч байна. Мөн ЭМД-аар ямар үйлчилгээг хаана авсан түүхийн мэдэгдлийг иргэдийн гар утсанд илгээж байна. Мөн эрүүл мэндийн байгууллагаар үйлчлүүлэхэд эм, тарианы нэмэлт төлбөр авсан эсэх зэрэг санал, гомдол, үйлчилгээний талаарх өөрийн үнэлгээг цахимаар илгээж болно. Edaatgal аппликейшнийг иргэд гар утсандаа суулгаж, дээрх үйлчилгээг цахимаар авах боломжтой юм.

4. Гэрээтэй байгууллагууд emongolia системийн эрүүл мэндийн үйлчилгээ хэсэгт ЭМД-ын лавлагаа хэсгээс даатгал төлөгчийн төлбөрийн мэдээллийг харах боломжтой.

5. Тавдугаарын сарын нэгнээс 18001363 даатгалын үйлчилгээ авдаг, фэйсбүүкийн чатботоор автомат хариулагчаас авдаг болгохоор ажиллаж байна.

6. Эрүүл мэндийн даатгалтай гэрээтэй 2000 гаруй байгууллагуудтай харилцан мэдээлэл солилцох шинэчлэлийн ажил эхлүүлсэн. Даатгалын үйлчилгээг тухайн байгууллага дотроо л хянаж, шалгадаг байсан бол нэгдсэн мэдээллийн платформыг хөгжүүлээд тавдугаар сарын нэгнээс хэрэгжүүлээд явж байна. Ингэснээр даатгуулагч болон ЭМД-тай харилцаж байгаа байгууллагууд мэдээллийг нэг урсгалаар солилцдог болж буй юм. Тиймээс гэрээтэй байгууллагууд нэгдсэн мэдээллийн сан руу шинэчлэлээ оруулж, нэгдэхийг уриалж байна.