Өмнөговь аймгийн Манлай сумын харьяат, говь нутгийн домогт хүчтэн, Монгол улсын хурц арслан Гомбо-Аюушийн Дэмүүлийн төрсөн бууц “Баруун Алтгана” хэмээх газар нутгийн ард иргэд, бөхчүүд цуглаж бэсрэг наадмыг зохион байгуулав. Уг наадмын үеэр аат арслангийн өсч торнисон гэрийг авчран барьж нутгийн иргэдэд сонирхуулсан бөгөөд мөн арслангийн ундаалж байсан худгийн уснаас хүртэцгээсэн байна.

Энэхүү бэсрэг наадмын хүчит бөхийн барилдаанд Өмнөговь аймгийн харьяат улс, аймгийн алдар цолтой бөхчүүдээр манлайлуулсан хүчит 112 бөх хүч сорив. Улсын начин Б.Сумьяа, Ц.Одбаяр, Ш.Дарханбат нарын тэргүүтэй бөхийн барилдаан Мандал-Овоо сумын харьяат, аймгийн арслан Будын Амгаланбаатар долоо даван торолгүй түрүүлсэн бол Булган сумын харьяат, улсын начин Баатарын Сумьяа үзүүрлэв. Их шөвөгт Ханхонгор сумын харьяат, улсын начин Ц.Одбаяр, Булган сумын харьяат, аймгийн хурц арслан Б.Мижидсүрэн нар шалгарсан юм. Харин дунд шөвөгт Хүрмэн сумын харьяат, улсын начин Ш.Дарханбат, Ноён сумын харьяат, аймгийн арслан Э.Нямаа, Номгон сумын харьяат, аймгийн заан Ц.Анхбаяр нар үлдлээ.

Барилдааны оноолтыг гурвын даваанаас үзнэ үү.

Дөрвийн даваа

1. Б.СУМЬЯА у.н – Б.Мөнхтүшиг с.з
2. Ц.ОДБАЯР у.н – У.Батнасан с.з
3. Ш.ДАРХАНБАТ у.н – Б.Гансүх с.з
4. Б.МИЖИДСҮРЭН а.х.а – Т.Төгсдөлгөөн а.н.н
5. Э.НЯМАА а.а – Х.Даваадорж а.х
6. Б.АМГАЛАНБААТАР а.а – М.Адьяахүү а.х
7. Д.Бямбацогт а.а – Ц.АНХБАЯР а.а

Тавын даваа

1. Б.СУМЬЯА – гоцлов
2. Ц.ОДБАЯР – Ц.Анхбаяр
3. Ш.Дарханбат – Б.АМГАЛАНБААТАР
4. Б.МИЖИДСҮРЭН – Э.Нямаа

Зургаагийн даваа

1. Б.СУМЬЯА – Б.Мижидсүрэн
2. Ц.Одбаяр – Б.АМГАЛАНБААТАР

Долоогийн даваа

1. Б.Сумьяа – Б.АМГАЛАНБААТАР

Т.Түмэндэмбэрэл