Хөгжлийн бэрхшээлтэй иргэд тавдугаар сарын 4-нд Үндэсний цэцэрлэгт хүрээлэнд "Бид өөрчлөгчид" сэдэвт флашмоб зохион байгуулна. 

Монгол Улс НҮБ-ын Ерөнхий Ассамблейгаас баталсан “Хөгжлийн бэрхшээлтэй хүмүүсийн эрхийн тухай конвенц”-д 2009 оны тавдугаар сарын 13-нд нэгдэн орсон. Ингэснээр хөгжлийн  бэрхшээлтэй  иргэдийн  эрх,  нийгмийн  оролцоо,   амьдралын  чанарт томоохон  өөрчлөлт  ахиц дэвшлийг  бий болгосон ба тухайн өдрийг тохиолдуулан жил бүр  хөгжлийн  бэрхшээлтэй  хүмүүсийн  эрхийн  олон нийтэд  эергээр  таниулах   Флашмоб  арга   хэмжээг зохион  байгуулдаг.    

Энэ жилийн  арга   хэмжээг Хөгжлийн Бэрхшээлтэй Хүний Хөгжлийн Ерөнхий Газар, Финляндын Флом байгууллагын Монгол  дахь  төлөөлөгчийн  газар,   Монголын Тэргэнцэртэй Иргэдийн Үндэсний Холбоо ТББ,  МУБИС-ийн  сайн  дурынхны  төв  хамтран    ӨНӨӨДӨР НӨЛӨӨЛЖ, МАРГААШИЙГ ӨӨРЧИЛЬЕ  уриатай  200 гаруй  оюутан  залуус,  хөгжлийн  бэрхшээлтэй  иргэд хамтдаа  бүжиглэж  "....хүн бүр  нийгэмд  ижил  тэгш  оролцож,  хамтдаа нийгмийг өөрчилнө..." гэсэн утга санааг илэрхийлж, олон нийтэд  хөгжлийн  бэрхшээлийн  талаар  эерэг хандлагыг  түгээх үйл  ажиллагааг  зохион  байгуулна.

Хөгжлийн Бэрхшээлтэй Хүний Хөгжлийн Ерөнхий Газар  тус өдрийг  "Хөгжлийн  бэрхшээлийг  оношлох,  эрт илрүүлэх"   өдөр  болгон  зарласан  бөгөөд   арга  хэмжээний  үеэр иргэдэд хөгжлийн бэрхшээлээс урьдчилан сэргийлэх үзлэг, оношилгоо /хараа, сонсгол, шүд, хөдөлгөөн засал, ерөнхий үзлэг, протез, сэргээн засах/,  сэтгэл зүйн зөвлөгөө,  хууль зүйн   зөвлөгөө өгөхийн  зэрэгцээ хөгжлийн бэрхшээлтэй иргэдийн  хийсэн гар  урлалын   бүтээлийг худалдаалах юм байна. 

Facebook хаяг: Монголын тэргэнцэртэй иргэдийн үндэсний холбоо

"ӨНӨӨДӨР НӨЛӨӨЛЖ, МАРГААШИЙГ ӨӨРЧИЛЬЕ” ӨДӨРЛӨГИЙН ХӨТӨЛБӨР