“Баримт мэдээлэл болон тинк танкуудын ач холбогдол” сэдэвт хэлэлцүүлэг боллоо.

Хэлэлцүүлгийг “Эдийн засгийн бодлого, өрсөлдөх чадварын судалгааны төв”-өөс санаачлан, ХБНГУ-ын “Конрад Аденауеэр сан”-гийн дэмжлэгтэй зохион байгууллаа.

АНУ-д төвтэй, Пенсилваны их сургуулийн дэргэдэх “Тинк танкууд болон иргэний нийгмийн хөтөлбөр”-ийн зүгээс зохион байгуулдаг, жил тутмын хэлэлцүүлэг болох Тинк танк индексийн нээлт, танилцуулгын хүрээнд хэлэлцүүлэг болов.

Тинк танк (Think-Tank) буюу Бодлогын судалгааны хүрээлэн (Policy Research Institute) гэж бодлогын судалгаа хийж, тодорхой шийдэл, хувилбарыг боловсруулан санал болгодог, нөлөөллийн үйл ажиллагаа явуулдаг байгууллагыг нэрлэдэг. Хууль тогтоох болон гүйцэтгэх засаглал тинк танкуудын судалгааг илүү үнэлдэг байна. Иймд дэлхийн хөгжингүй улсуудад “Тинк Танк”-уудыг ашиглан, төрийн бодлогоо зөв ул суурьтай боловсруулахыг хичээдэг юм байна.

Монгол Улсын хувьд дэлхийн чиг хандлагыг ажиглан судалж, нөөц бололцоогоо зөв зохистой удирдахад баримт мэдээллийн найдвартай байдал чухал үүрэгтэй хэмээн “Эдийн засгийн бодлого, өрсөлдөх чадварын судалгааны төв”-өөс мэдээллээ.

А.Эрхэмбаяр