Өвөр Монголын Өөртөө засах орны Шилийн гол аймгийн Шинэ барга зүүн хошууны Бөхийн ордонд шилдгийн шилдэг 64 бөхийн барилдаан өнөөдөр болно. Гурав дахь удаагаа зохион байгуулж буй энэхүү барилдаанд Өвөр Монголын Өөртөө засах орон болон Монгол Улсын шилдэг бөхчүүд зодоглох юм.

Монгол Улсаас улсын арслан П.Бүрэнтөгс, улсын заан М.Өсөхбаяр, улсын харцага Н.Батзаяа, Б.Бат-Өлзий, М.Бадарч, О.Хангай, Н.Золбоо, улсын өсөх идэр, өрнөн дэлгэрэх начин Э.Энхбат, улсын начин Э.Даш, Д.Анар, Б.Бат-Эрдэнэ нарын бөхчүүд хүч сорино.

ӨМӨЗО-оос Зүүн үзэмчиний Батжаргал, Сэцэнбилиг, Баруун баарины Гэгээрэх, Чинзоригт, Шинэ барга зүүн хошууны Алтаншагай, Зүүн баарины Алтансүх, Шулуун хөх хошууны Уянга, Эвенх хошууны Чандмань нарын шилдгүүд зодоглох ажээ.

Т.Түмэндэмбэрэл