Улаанбаатар хотоос  2018 онд 1.3 сая тонн хог хаягдал үүссэн ба 2017 онтой харьцуулахад 200.0 мян тонноор нэмэгдсэн байна.

Нийслэлийн

• гэр болон орон сууцанд амьдардаг айл өрхөөс 613,9 мян тонн,
• аж, ахуйн нэгж, байгууллагаас 307,5 мян тонн,
• барилгын үйл ажиллагаанаас 159.5 мян, тонн,
• зам талбайн цэвэрлэгээнээс 119,6 тонн,
• бусад эх үүсвэрээс 193,0 мян тонн хог хаягдал үүсчээ.

Нийслэлд өдөрт дунджаар 3000-3500 тн хог хаягдлыг гурван төвлөрсөн цэгт хүлээн авч устгаж байна.

2018 онд “Хог хаягдал ба уур амьсгалын өөрчлөлт төсөл”-ийн хүрээнд хийсэн Улаанбаатар хотын хог хаягдлын хэмжээ бүтцийн судалгаагаар

• орон сууцанд амьдардаг нэг иргэн зуны улиралд өдөрт 376.8 гр, өвлийн улиралд өдөрт 371.9 гр,
• гэр хороололд амьдардаг нэг иргэн зуны улиралд 466.3 гр, өвлийн улиралд 1,06 кг хог хаягдал үүсгэж байгаа болно.

Өвөл хаяж байгаа хог хаягдлын 62,6 хувийг үнс эзэлж байна

Орон сууцны хороололд оршин суугч иргэдийн хог хаягдлын бүтцийн дийлэнх хувийг (36%-41%) хоол, хүнсний хог хаягдал эзэлж байгаа бөгөөд дахин боловсруулах боломжтой (бүх төрлийн цаас, хуванцар сав (PET) , хатуу хуванцар (HDP, LDPE, PVC) шил, лонх,метал зэрэг) хог хаягдал орон сууцанд амьдарч байгаа иргэдийн хувьд зун болон өвлийн улиралд  улиралд)   нийт хог хаягдлын дунджаар  40  орчим хувийг, гэр хорооллын хувьд зуны улиралд нийт хог хаягдлын 30 орчим хувийг эзэлж байна гэж тогтоосон.

Улаанбаатар хотоос үүсч байгаа дахин боловсруулах боломжтой цаасны хог хаягдлын 11.8 хувь, шил, шилэн бүтээгдэхүүний хог хаягдлын 3.2 хувь, хөнгөн цагаан лааз, ундааны савны 80 хувийг эргүүлэн цуглуулж, боловсруулах үйлдвэрүүдэд нийлүүлж байна.

АЮУЛТАЙ ХОГ ХАЯГДЛЫН ТАЛААР

Европын Сэргээн Босголт, хөгжлийн банкаас 2018 онд хэрэгжүүлсэн ”Монгол улсын аюултай хог хаягдлын үнэлгээ” төслийн хүрээнд хийгдсэн аюултай хог хаягдлын урьдчилсан тооллогоор улсын хэмжээний нийт аюултай хог хаягдлын 99 хувийг уул уурхай, хүнд үйлдвэрийн салбараас үүсч байна гэж тогтоосон.

Бусад салбар жилд 150,000 орчим тонн аюултай хог хаягдал гаргаж байгаа ба үүний ихэнхийг хот, суурин газрын хатуу хог хаягдлын цэгт хаяж зайлуулж байна. Нийт үүсч байгаа аюултай хог хаягдлын 1-ээс бага хувийг дахин ашиглах зорилгоор боловсруулдаг. Монгол улсын хэмжээнд

• уул уурхайгаас (179,017 тонн/жил),
• метал үйлдвэрлэлийн (97,327 тонн/жил),
• ажилласан тос (18,040 тонн/жил),
• автомашины аккумуляторын хаягдал (5,650 тонн/жил) аюултай хог хаягдал үүсч  байна.