Цуглааныг зохион байгуулагчид болох УИХ-ын гишүүн Ж.Батзандан, Л.Болд, Л.Оюун-Эрдэнэ, Х.Нямбаатар тэргүүтэй хүмүүс Төрийн ордон дахь УИХ-ын дарга М.Энхболд өрөөнд орлоо. 

Мөн тэдний араас УИХ-ын гишүүн Т.Аюурсайхан, Босоо Хөх Монголын тэргүүн Г.Ганхуяг, жагсагчдын төлөөл бүхий дөрвөн хүн өрөөнд нь орлоо. 

Энэ үеэр УИХ-ын гишүүн Ж.Батзандан хэлэхдээ "Өмнөх жагсаалын хариуг М.Энхболд өгөөгүй, зугтсан. Хэдий болтол гүрийхийг нь харъя. Монголын ард түмний тэмцэл дандаа яладтаар өндөрлөж байсан. Хэрэв өнөөдөо өөрийн хүсэлтээр өргөдлөө өгөхгүй бол 300 орчим иргэд өлсгөлөн зарлахаа илэрхийлсэн. Аймаг бүрээс өлсгөлөн зарлахаар 200 орчим гэр барина" гэлээ.

Харин нэгэнт өчигдөр Төрийн байгуулалтын байнгын хороогоор УИХ-ын даргыг огцруулах хуулийн төслийг хэлэлцэх нь зүйтэй гэж үзсэн, бүлгийн дарга нар ч чуулганаар хэлэлцүүлэхэд ирц бүрдэх байх гэсэн байр суурийг илэрхийлээд байхад хуулийн дагуу асуудлыг шийдэж болохгүй байгаа талаар УИХ-ын гишүүн Л.Болд "Өмнө нь хугацаа байсаар байтал ямар нэг шийдэл гаргалгүй эхний жагсаал хийх нөхцлийг бүрдүүлсэн. Тиймээс өнөөдөр өргөдлөө өг" гэсэн юм.

Тэд УИХ-ын дарга М.Энхболдын өрөөнөөс гарч ирээд дараах мэдээллийг хийлээ. М.Энхболд тэдэнд өөрийн ажлыг тайлагнасан 30 хуудас бүхий тайланг өгч, огцрох шаардлагагүй хэмээн үзжээ. Ямар нэгэн үймээн самуун болоход жагсаал зохион байгуулагчид хариуцахгүй гэдгээ мэдэгдлээ. 

Тэд одоо Монгол улсын Ерөнхий сайд У.Хүрэлсэхтэй үндэсний аюулгүй байдлын талаар хэлэлцэхээр өрөөнд нь орлоо. 

Ерөнхийлөгч Үндэсний аюулгүй зөвлөлийг 16:30 цагт хуралдуулах шийдвэрлэлээ. Үүнд Ерөнхий сайд У.Хүрэлсүх, УИХ-ын дарга М.Энхболд нар оролцоно гэж УИХ-ын гишүүн Х.Нямбаатар хэллээ.  

Харин Сүхбаатарын талбайд цугласан иргэдийг тайван замаар тараах шаардлагатай гэв.