Ирэх 2019 онд ухаалаг гарц нэвтрүүлснээр Гашуунсухайт-Ганцмодны боомтоор нэвтэрч буй нүүрс тээврийн автомашины тоо өдөрт 2000 давах боломжтой гэж Гаалийн ерөнхий газар мэдээллээ.

9-10 дугаар сард Гашуунсухайт боомтоор нэвтэрсэн автомашины тоо хамгийн ихдээ 1350-1450 хүрч байсан гэж “Гашуунсухайт авто зам” компани мэдээлж байсан юм.

2019 онд 42 сая тонн нүүрс экспортлохоор төлөвлөсөн нь түүхэн дээд хэмжээ болж байна. Энэ хэмжээнд хүрэх чухал хүчин зүйл нь гаалийн шинэчлэл гэж Сангийн яам мэдээлж байв. Ирэх онд гаалийн шинэчлэлд 74.6 тэрбум төгрөгийн санхүүжилт төлөвлөсөн ч УИХ-аар 12 тэрбум төгрөгөөр бууруулах шийдвэр гаргаад байна. Хэдий тийм боловч БНХАУ-ын талаас гаалийн шинэчлэлд санхүүжилтийн туслалцаа үзүүлэхээр байгаа юм.

Б.Бямбасүрэн