Cities and Memory аудио төсөл 2014 оноос эхлэн дэлхийн 55 орны 500 орчим бүс нутгаас онгон байгалийн дуу чимээг цуглуулснаа олон нийтэд нээлттэй хэлбэрээр байршуулжээ.

Энэ холбоосоор орсноор та Африкийн цөл, далайн эрэг, царцаа, усны үхэр зэрэг ан амьтан онгон байгалийн бий болгосон дуу авиаг сонсох боломжтой. 

Энэ тухайд төслийн ахлагч Стюарт Фовкес “Хүн төрөлхтөн маш их хэмжээний дуу чимээ гаргадаг. Үүний тод жишээ бол өнгөрсөн 50 жилийн турш 10 жил тутамд далайн дуу чимээ хоёр дахин ихэссэн явдал юм. Бидний гаргаж буй тэрхүү дуу чимээ ан амьтны сэтгэл зүй, амьдралын хэв маягт маш том нөлөө үзүүлдэг. Тийм учраас бид байгалийн өөрийнх нь дууг хураан, хадгалж үлдэхийг хүссэн” хэмээн The Verge сайтад ярьжээ.