“France Football” сэтгүүлээс тодруулдаг оны шилдэг буюу “ Ballon D’or” шагналын эзнээр Хорватын шигшээ багийн ахлагч Лука Модрич тодорлоо.

Өнгөрсөн шөнө энэ оны хөлбөмбөгийн хамгийн нэр хүндтэй шагналын эзнийг тодруулах ёслолын ажиллагаа амжилттай явагдаж өндөрлөлөө. 1956 оноос хойш жил бүр уламжлал болгон зохион байгуулж ирсэн “France Football” сэтгүүлээс тодруулдаг оны шилдэг тоглогч буюу “Ballon D’or” шагналын эзнийг энэ үдэш тодруулсан юм.

Өнгөрсөн улиралд клубын болон шигшээ багийн түвшинд өндөр амжилт үзүүлж Аваргуудын лигийн цом болон ОХУ-д зохион байгуулагдсан ДАШТ-ий шигшээ тоглолтод Хорватын шигшээ багийн хамт шалгарч Дэлхийн аваргын шилдэг тоглогчоор нэрлэгдсэн Хорватын шигшээ багийн ахлагч Лука Модрич энэхүү нэр хүндтэй шагналын эзнээр анх удаагаа тодорч байна.

Харин хоёрдугаар байранд Португалын шигшээ багийн ахлагч Криштиану Роналду орсон бол гуравдугаарт Антуан Грийзманн орсон бөгөөд Дэлхийн аваргын гялалзах од Килиан Мбаппэ 4 дүгээрт орсноор Майкл Овэноос хойш насанд хүрээгүй байхдаа Дэлхийн шилдэгийн эхний 5-д орсон анхны тоглогч болсон юм.

Л.Анхбаяр