Арваннэгдүгээр сарын 23, 24-ний өдрүүдэд “Хурд” хамтлагийн гитарчин, ая зохиогч МУГЖ Д.Отгонбаяр “Чи минь байгаа болохоор” тоглолтоо УБ Паласт хийх гэж байна.

Тоглолтод Монголын рок поп, амьд хөгжмийн шилдгүүд, “The Voice of Mongolia”  шоуны оролцогчид, Шонхрууд баг, Хурд хамтлагийнхан болон шилдэг хөгжимчид оролцоно.

 “Хурд” хамтлагийн гитарчин, ая зохиогч МУГЖ Д.Отгонбаяр “Чи минь байгаа болохоор” тоглолтын нэвтрүүлэг

МУГЖ, дуучин Б.Дашдондог гитарчин, ая зохиогч Д.Отгонбаярыг “Энгийн мөртлөө өөрийн гэсэн донж хэв маягтай” гэсэн бол “Номин талст” хамтлагийн дуучин Д.Батсүх “Оогий ахтай уулзах болгонд гитарын рок хэмнэл шиг их эрч хүч мэдэрдэг” гэсэн юм.

Мөн “Sweetymotion” хамтлагийн дуучин Э.Ганболор “Дуу нь уянгалаг, дотортой, өгүүлэл сайтай” гэсэн бол дуучин С.Сэрчмаа “Уран бүтээлчид бид Отгоо ахад бүгдээрээ итгэдэг, бүгдээрээ дуу авахыг, хамтарч ажиллахыг хүсдэг. Отгоо ах их хамт олонч, эрч хүчтэй хүн” гэлээ.

Ийнхүү уран бүтээлийн нөхөд нь “Хурд” хамтлагийн гитарчин Д.Отгонбаярын удахгүй болох тоглолтод нь амжилт хүсчээ.

Тасалбар: www.ticket.mn, UB Palace касс болон 1900-1950 үнэгүй хүргэнэ.