Өмнөговь аймгийн Гашуун сухайт боомтоос БНХАУ-ын Ганц мод боомтын чиглэлд Улс хоорондын тогтмол зорчигчийн тээврийн үйлчилгээг энэ сарын 11-ний өдрөөс эхлүүлжээ.

Тээвэрлэлтийг Монголын талаас “Их говийн Эрдэнэс” ХХК, БНХАУ-ын талаас “Ба Юүн” ХХК-ууд өдөр бүр 08:00, 10:00, 14:00, 16:00 цагуудаас тогтмол гүйцэтгэх юм.

Улс хоорондын тогтмол зорчигчийн тээврийн үйлчилгээг эхлүүлснээр иргэдэд стандартын шаардлага хангасан тээврийн хэрэгслээр тогтмол цагийн хуваарийн дагуу ая тухтай үйлчилгээг хүргэх нөхцөлийг бүрдүүлээд байгаа талаар Автотээврийн үндэсний төв ТӨҮГ-аас мэдээллээ.