Дэлхийн 24 дэх удаагийн, Монголын 52 дахь удаагийн багш нарын өдрийг тэмдэглэх ёслол, хүндэтгэлийн ажиллагаа өнөөдөр “Корпорэйт” цогцолборт болж, мянган багш нэг дор цуглалаа.

Энэ үеэр 2018 онд ажил үйлс, амжилт бүтээлээрээ тэргүүлсэн цэцэрлэг, сургуулиудыг улсын тэргүүний хэмээн өргөмжилж, мөн “Оны тэргүүний багш” нарыг алдаршуулсан юм.

2018 оны улсын тэргүүний сургуулиуд:

• Г.Энхбат захиралтай Увс аймгийн ерөнхий боловсролын 2 дугаар сургууль,
• Б.Эрдэнэчимэг захиралтай нийслэлийн Баянзүрх дүүргийн ерөнхий боловсролын 48 дугаар дунд сургууль
• Н.Энхбат захиралтай БСШУС-ын яамны харъяа үндэсний лаборатори 33 дугаар сургууль
• Төрийн бус өмчийн шилдэг сургуулиар Монгол Улсын ардын багш Ү.Маам захиралтай “Шинэ үе” сургууль

2018 оны улсын тэргүүний цэцэрлэгүүд:

• Г.Алтансувд эрхлэгчтэй Дорнод аймгийн 12 дугаар цэцэрлэг,
• Б.Өөдөс эрхлэгчтэй Өвөрхангай аймгийн 2 дугаар цэцэрлэг,
• Л.Янжмаа эрхлэгчтэй Баянгол дүүргийн 185 дугаар цэцэрлэг
• Төрийн бус өмчийн шилдэг цэцэрлэгээр Г.Нарангэрэл эрхлэгчтэй “Номин” цэцэрлэг тус тус шалгарлаа.

Харин 2018 оны “Оны тэргүүний багш”-аар

• Хэнтий аймгийн ерөнхий боловсролын “Тэмүүжин” цогцолбор сургуулийн бага ангийн багш Д.Лхагвахатан,
• Дундговь аймгийн ерөнхий боловсролын Эрдмийн далай цогцолбор сургуулийн физикийн багш А.Уранчимэг,
• Орхон аймгийн 10 дугаар цэцэрлэгийн багш Н.Гэрэлмээ нар тодорлоо.

Мөн 2018 оны нийслэлийн тэргүүний сургуулиар

• О.Бат-Өлзий захиралтай Баянзүрх дүүргийн 53 дугаар сургууль,
• Ө.Шүрэнцэцэг захиралтай Хан-Уул дүүргийн 15 дугаар сургууль,
• И Тан Ми захиралтай Баянзүрх дүүргийн Улаанбаатар дунд сургууль,

2018 оны нийслэлийн тэргүүний цэцэрлэгээр

• Цэрэндоргор эрхлэгч Сүхбаатар дүүргийн 42 дугаар цэцэрлэг,
• Жагарсүрэн эрхлэгчтэй Баянзүрх дүүргийн 64 дүгээр цэцэрлэг шалгарлаа.

Ёслол хүндэтгэлийн ажиллагааны үеэр сурагчид багш нартаа тоглолт үзүүлж, шилдэг цэцэрлэг, сургуулиуд бүтээлээ дэлгэсэн юм.