Тагнуулын ерөнхий газар Голомт хотхонд тусгай ажиллагаа явуулж байна.  Газар дээрээс нь ШУУД дамжуулж байна.

Тэд  чухам хэний байранд ирж, ямар эд зүйлийг нотлох баримт болгон авч явсан нь тодорхойгүй байна. ТЕГ-ын ажилтнууд цэнхэр  өнгийн, хэд хэдэн хайрцагтай эд зүйлийг авч явсан юм.   

Тагнуулын ерөнхий газар Тагнуулын байгууллагын тухай хуульд заасан 10, 11-р зүйлийн дагуу харьяаллын гэмт хэрэгтэй тэмцдэг. Энэ хүрээнд Монгол улсын Эрүүгийн хуулийн 19-ийн 10-р зүйлд заасан тагнуул хийх гэмт хэргийн шинж агуулсан гадаад улсын иргэний үйл ажиллагааг Монгол Улсын эрүүгийн хэрэг хянан шийдвэрлэх тухай хуульд заасны дагуу саатуулсан.

Одоогоор мөрдөн шалгах ажиллагаа явагдаж байгаа тул хэргийн талаар дэлгэрэнгүй мэдээлэл өгөх боломжгүй байна.

Мөн Эрүүгийн хэрэг хянан шийдвэрлэх тухай хуулийн 22-р зүйлийн 3-т заасны дагуу прокуророос албан ёсны зөвшөөрөл өгөөгүй тохиолдолд мөрдөн шалгах ажиллагааны талаар мэдээлэл өгөхийг хориглосон байдаг гэв.