Дэлхийн эрүүл мэндийн байгууллагаас гаргасан судалгаанаас үзэхэд дөрвөн хүн тутмын нэг нь дасгал хөдөлгөөн хийдэггүй байна. Дэлхийн 168 улсын хоёр сая гаруй хүнээс энэхүү судалгааг авчээ.

Уганда улсын хүн ам хамгийн эрч хүчтэй дасгал хөдөлгөөн хийдэг бөгөөд хүн амын 5.5 хувь хөдөлгөөний дутагдалд орсон хэмээх үзүүлэлт гарчээ. Харин Кувэйт улсын хувьд нийт хүн амын 67 хувь нь хангалттай дасгал хөдөлгөөн хийдэггүй тул хамгийн сүүлийн байранд жагссан байна.

УЛС ОРНУУДЫН ДАСГАЛ ХӨДӨЛГӨӨН ХАНГАЛТГҮЙ ХИЙДЭГ ХҮН АМЫГ ХУВЬЧЛАН /%/ ХАРУУЛЖЭЭ

Ихэнх улс орнуудад эмэгтэйчүүд эрэгтэйчүүдээс илүү идэвхгүй байдаг гэсэн үр дүн гарчээ. Мөн хөгжиж буй улс орнуудын иргэд хөгжилтэй орнуудаас хоёр дахин их дасгал хөдөлгөөн хийдэг ажээ.

Дэлхийн эрүүл мэндийн байгууллага хангалттай дасгал хөдөлгөөн хийх гэдгийг долоо хоног бүр 150 минутын турш алхах, дугуй унах зэрэг энгийн дасгал хийх эсвэл 75 минутын турш гүйх зэрэг илүү эрч хүч шаардсан дасгал хийхийг хэлнэ гэж тодорхойлжээ.

Монгол улсын хувьд нийт хүн амын 20 болон түүнээс дээш хувь нь хөдөлгөөний дутагдалд орсон байна. АНУ 143-т, Англи 123-т, Сингапур улс 126-т тус тус оржээ.

ХАМГИЙН ИХ БОЛОН БАГА ДАСГАЛ ХӨДӨЛГӨӨН ХИЙДЭГ УЛС ОРНУУД

/%- хамгийн бага дасгал хөдөлгөөн хийдэг орнуудын хувь/

ХАМГИЙН БАГА ДАСГАЛ ХӨДӨЛГӨӨН ХИЙДЭГ ЭРЭГТЭЙЧҮҮДТЭЙ УЛС ОРНУУД /%/

ХАМГИЙН БАГА ДАСГАЛ ХӨДӨЛГӨӨН ХИЙДЭГ ЭМЭГТЭЙЧҮҮДТЭЙ УЛС ОРНУУД /%/

Эх сурвалж: Bloomberg