Ойрын өдрүүдэд зарим аймгийн нутгаар усархаг бороо орж байна. Борооны улмаас автозам, гүүр усанд автаж, зарим газарт зорчих хэсгийг хязгаарлаад байна. Тухайлбал, 

Сүхбаатар-Алтанбулаг чиглэлийн авто замын 322-325-р км-т их хэмжээний усархаг бороо орсны улмаас үер бууж зарим газар зам дээгүүр ус хальж, их хэмжээгээр зам дээгүүр урсаж байна. Одоог хүртэл усархаг бороо их хэмжээгээр орж байна.

Хойд чиглэлд үргэлжлэн орж буй усархаг борооны улмаас Төв аймгийн Борнуур сумын гүүр үерт автаж суулт өгсөн байгаа тул Баянчандмань сумын Замын цагдаагийн хэсгээс тус замаар зорчих тээврийн хэрэгслийн хөдөлгөөнийг хязгаарлажээ.

Өчигдөр өдрийн үeрийн улмаас Өлгий-Ховд чиглэлийн пк00-пк5-ийн хоорондох замын хөвөө, шуудуу урсаж эвдэрчээ.
Улаанбаатар-Дархан чиглэлийн авто замын 99-100 дахь км болох Урьхан зоогийн газрын орчим бороо орж үер буусан тул жолооч нарыг анхаарал болгоомжтой зорчихыг "Баянчандмань АЗЗА" ТӨХК-аас зөвлөлөө.

Сэлэнгэ аймгийн Сүхбаатар сум

Төв аймгийн Борнуур сум