Монгол Улсын Уул уурхай, хүнд үйлдвэрийн яамнаас сар бүр зохион байгуулдаг ээлжит “Ил тод, хариуцлагатай уул уурхай” хэвлэлийн бага хурал өнөөдөр болов. Энэ үеэр 2018 оны дөрөвдүгээр сарын салбарын мэдээллийг танилцуулсан юм.

Аж үйлдвэрийн салбарын нийт бүтээгдэхүүн үйлдвэрлэл 2018 оны эхний 5 сарын байдлаар 6 их наяд төгрөгт хүрчээ.

Өмнөх оны мөн үеэс 1.1 (23 хувь) их наяд төгрөгөөр өссөн байна. Үүнд уул уурхай, олборлох аж үйлдвэрийн нийт үйлдвэрлэл өмнөх оны мөн үеэс 827 (23 хувь) тэрбум төгрөгөөр, үүнээс

• Нүүрс олборлолт 511 (48.0%) тэрбум төгрөг,
• Металлын хүдэр олборлолтын орлого 252 (12 хувь) тэрбум төгрөгөөр өссөн нь голлон нөлөөлжээ.

Аж үйлдвэрийн салбарын нийт бүтээгдэхүүн үйлдвэрлэлд уул уурхай, олборлох салбар 72 хувийг эзэлж байна.

Өнгөрсөн оны мөн үетэй харьцуулахад

• Зэсийн баяжмал 15.8 (3.0%) мян.тн,   
• Алт 115.1 (2.5%) кг,
• Төмрийн хүдрийн баяжмал 57.3 (5.0%) мян.тн,
• Хайлуур жоншны баяжмал 6.4 (39.5%) мян.тн,
• Цайрын баяжмал 1.5 (4.3%) мян.тн-оор тус тус өсчээ.

Харин

• Нүүрс 1.4 (7.0%) сая тн,
• Молибдены баяжмал 226.7 (9.4%) тн,
• Газрын тос 279.6 (9.0%) мян.бар,
• Катодын зэс 209.9 (3.4%) тн-оор тус тус буурчээ.