Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
0
Бөхчүүд талцан хуваагдаж, Монголын үндэсний бөхийн холбоо Б.Бат-Эрдэнэ, Л.Чинбат гэсэн хоёр тэргүүн, хоёр тамгатай болоод байна. 2018 оны дөрөвдүгээр сарын 18-нд бөхийн өргөөнд үймээнд болж УИХ-ын гишүүн, Дархан аварга А.Сүхбат бөхийн өргөөнд бусдад зодуулсан хэрэг гарч дуулиан болж байв.
Энэ хэрэг хууль хяналтын байгууллагуудад шалгагдахтай зэрэгцэн Бөхийн өргөөнд үйл ажиллагаа явуулахыг түр хугацаагаар хориглосон байна. Өнөөдөр 11.00 цагийн орчимд Монгол бөхийн өргөөнд очиход цоожтой хаалган дээр Баянзүрх дүүргийн цагдаагийн хоёрдугаар хэлтсийн ШААРДЛАГА-ыг хадсан байв.
Монголын үндэсний бөхийн холбооны тэргүүн Б.Бат-Эрдэнэд хаяглан 2018 оны 6-р сарын 20-ны өдөр илгээсэн тэрхүү ШААРДЛАГАД:
Тус цагдаагийн хэлтэст 2018 оны зургаадугаар сарын 19-ний өдрийн байдлаар Монголын үндэсний бөхийн холбоо гэх хоёр байгууллагад хамаарал бүхий 4 зөрчлийн хэрэгт хэрэг бүртгэлтийн үйл ажиллагаа явуулан холбогдох хууль тогтоомжийн дагуу арга хэмжээ тооцож, Эрүүгийн хуулийн 11.6 зүйлийн 11.6.1 дэх хэсэг хүний эрүүл мэндэд хүнд хохирол санаатай учруулах, эд хөрөнгө устгах гэмтээх хоёр эрүүгийн хэрэг шалгагдаж байна.
Монголын үндэсний холбоо нэршилтэй хоёр байгууллагын хоорондын зөрчлийн асуудлыг "Зөрчил шалган шийдвэрлэх тухай хуулийн дагуу зөрчлийн хэрэг бүртгэлтийн ажиллагаа явуулж, хуулийн шалгах хугацаа дуусгавар болсонтой холбогдуулан цагдаагийн байгууллагын хууль ёсны шаардлагыг сахин биелүүлэх, дахин гэмт хэрэг зөрчил гаргахгүй байх талаар хуулийн дагуу урьдчилан сэргийлэх зохион байгуулалтын арга хэмжээ авч ажиллах шаардлага хүргүүлжээ.
Уг шаардлагатай холбогдуулан:
“Зөрчил шалган шийдвэрлэх тухай хуулийн 5.3-т заасныг үндэслэн барилга байгууламж, хүний амь бие, эрүүл мэндэд хохирол учирч болзошгүй байх тул прокурорын зөвшөөрлөөр үйл ажиллагааг зогсоосон болно” гэсэн зарлалыг Бөхийн өргөөний хаалганд хадсан байв.
Өнөөдөр 14.00 цагийн орчимд Л.Чинбатын тал буюу УИХ-ын гишүүн А.Сүхбатаар ахлуулсан залуус Бөхийн өргөөний хаалгыг эвдэн хүч хэрэглэн дотогш оржээ. Тэд Бөхийн холбоог төлөөлөх эрхгүй Дархан аварга Б.Бат-Эрдэнэ, тус холбооны тэргүүнээр ажиллаж байсан Р.Нямдорж нарын талд Цагдаагийн байгууллага илэрхий үйлчилж, бөхийн өргөөг хариуцуулж байна хэмээн шүүмжилсэн.
Тиймээс МҮБХ-ноос өнөөдөр үдээс хойш хамгаалалтын алба хөлслөн Бөхийн өргөөний хаалганы цонхыг хагалж, дайран оржээ. Нөхцөл байдал ээдрээтэй болсон тул Бөхийн өргөөг өнөөдөр дахин цагдаагийн хамгаалалтад авсан байна.
Бөхчүүд талцан хуваагдаж, Монголын үндэсний бөхийн холбоо Б.Бат-Эрдэнэ, Л.Чинбат гэсэн хоёр тэргүүн, хоёр тамгатай болоод байна. 2018 оны дөрөвдүгээр сарын 18-нд бөхийн өргөөнд үймээнд болж УИХ-ын гишүүн, Дархан аварга А.Сүхбат бөхийн өргөөнд бусдад зодуулсан хэрэг гарч дуулиан болж байв.
Энэ хэрэг хууль хяналтын байгууллагуудад шалгагдахтай зэрэгцэн Бөхийн өргөөнд үйл ажиллагаа явуулахыг түр хугацаагаар хориглосон байна. Өнөөдөр 11.00 цагийн орчимд Монгол бөхийн өргөөнд очиход цоожтой хаалган дээр Баянзүрх дүүргийн цагдаагийн хоёрдугаар хэлтсийн ШААРДЛАГА-ыг хадсан байв.
Монголын үндэсний бөхийн холбооны тэргүүн Б.Бат-Эрдэнэд хаяглан 2018 оны 6-р сарын 20-ны өдөр илгээсэн тэрхүү ШААРДЛАГАД:
Тус цагдаагийн хэлтэст 2018 оны зургаадугаар сарын 19-ний өдрийн байдлаар Монголын үндэсний бөхийн холбоо гэх хоёр байгууллагад хамаарал бүхий 4 зөрчлийн хэрэгт хэрэг бүртгэлтийн үйл ажиллагаа явуулан холбогдох хууль тогтоомжийн дагуу арга хэмжээ тооцож, Эрүүгийн хуулийн 11.6 зүйлийн 11.6.1 дэх хэсэг хүний эрүүл мэндэд хүнд хохирол санаатай учруулах, эд хөрөнгө устгах гэмтээх хоёр эрүүгийн хэрэг шалгагдаж байна.
Монголын үндэсний холбоо нэршилтэй хоёр байгууллагын хоорондын зөрчлийн асуудлыг "Зөрчил шалган шийдвэрлэх тухай хуулийн дагуу зөрчлийн хэрэг бүртгэлтийн ажиллагаа явуулж, хуулийн шалгах хугацаа дуусгавар болсонтой холбогдуулан цагдаагийн байгууллагын хууль ёсны шаардлагыг сахин биелүүлэх, дахин гэмт хэрэг зөрчил гаргахгүй байх талаар хуулийн дагуу урьдчилан сэргийлэх зохион байгуулалтын арга хэмжээ авч ажиллах шаардлага хүргүүлжээ.
Уг шаардлагатай холбогдуулан:
“Зөрчил шалган шийдвэрлэх тухай хуулийн 5.3-т заасныг үндэслэн барилга байгууламж, хүний амь бие, эрүүл мэндэд хохирол учирч болзошгүй байх тул прокурорын зөвшөөрлөөр үйл ажиллагааг зогсоосон болно” гэсэн зарлалыг Бөхийн өргөөний хаалганд хадсан байв.
Өнөөдөр 14.00 цагийн орчимд Л.Чинбатын тал буюу УИХ-ын гишүүн А.Сүхбатаар ахлуулсан залуус Бөхийн өргөөний хаалгыг эвдэн хүч хэрэглэн дотогш оржээ. Тэд Бөхийн холбоог төлөөлөх эрхгүй Дархан аварга Б.Бат-Эрдэнэ, тус холбооны тэргүүнээр ажиллаж байсан Р.Нямдорж нарын талд Цагдаагийн байгууллага илэрхий үйлчилж, бөхийн өргөөг хариуцуулж байна хэмээн шүүмжилсэн.
Тиймээс МҮБХ-ноос өнөөдөр үдээс хойш хамгаалалтын алба хөлслөн Бөхийн өргөөний хаалганы цонхыг хагалж, дайран оржээ. Нөхцөл байдал ээдрээтэй болсон тул Бөхийн өргөөг өнөөдөр дахин цагдаагийн хамгаалалтад авсан байна.