Лондон хотын Хитроу олон улсын нисэх онгоцны бууд­лын шинэ буюу тав дахь хэсэг нь хэдхэн хоногийн өмнө ашиглалтад орсон билээ. Шинэ буудлын үйл ажилла­гаанд нь доголдол гарсаар байгаад зорчигчид ихэд бу­химдаж байна. Зөвхөн “British Airways” компанийн үйлчил­дэг жигүүрт буусан 15 мянган зорчигч тээшээ одоо болтол аваагүй гэнэ. Эдгээр тээшийг ялгаж ойрын үед эздэд нь явуу­лах юм байна. Ачаа овоор­­сон нь бусад улс орны олон улсын нисэх онгоц­ны бууд­лын үйл ажиллагаанд ч сөргөөр нө­лөөлж байгаа гэнэ. Үүний өм­нөх өдөр нь тус нисэх онгоц­ны буудал гадаад, дотоо­дын нийт 66 нислэгийг цуцал­сан байна.

Хитроу олон улсын ни­сэх онгоцны буудлын шинэ өргөт­гөлд хогийн сав байх­гүй, цахилгаан болон хөвдөг шат нь ажиллахгүй хүмүүсийг ихэд бухимдуул­сан юм. Ашиг­­лал­тад орсон даруйд 30 нислэг хойш­логд­сон нь ха­чир­халтай. Ердөө гуравхан хо­ног ажиллахдаа нийт 208 нис­лэгийг цуцалж хэдэн мян­ган хүн очих ёстой газраа хүрч чадсангүй. Нөх­цөл бай­дал нэлээд хүнд бай­гаа тул Их Британийн Зас­гийн газар “British Airways”-т туслахад бэлэн байгаагаа мэдэгджээ.