Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
0
Нийслэл дэх гарааны бизнесүүдийг бойжуулах, шинэ санаа, инновацийг дэмжих, үйл ажиллагаагаа эхлүүлсэн гарааны бизнесүүдийн цаашдын хөгжилд туслалцаа үзүүлэх зорилт бүхий “Нийслэлийн Инновацийн өдөрлөг” боллоо.
Өдөрлөгийн хүрээнд Улаанбаатар хотод шинэ санаа, инновацид суурилсан гарааны бизнесүүдийг хөгжүүлж бойжуулах, залуучуудыг ажлын таатай орчноор дэмжих, инновацийн оролцогч талуудын хамтын ажиллагааг бүрдүүлж инновацийн тогтолцоог бий болгох зорилго бүхий “Улаанбаатар инновацийн төв” нээлтээ хийх юм.
Мэдлэгт тулгуурласан, инновацийн технологи бүхий үйлдвэрлэл үйлчилгээ нь тогтвортой хөгжлийн гол хүчин зүйл болж буй өнөө үед нийслэл хотын Инновацийн төв байгуулагдаж байгаа нь шинэ залуу энтрепренэрүүд, гарааны бизнес эрхлэгчдийг дэмжих үр дүнтэй арга юм. Залуучуудыг шинэ санаа, инновациа бодитоор хэрэгжүүлэх, ажил хэрэг болоход тушаа болдог оффисын асуудлыг шийдэж байгаагаас гадна тухайн салбартаа амжилттай ажиллаж буй бизнес эрхлэгчдээс тусламж, зөвлөгөө авах боломж олгож байгаагаараа энэ төв онцлог.
1500 м2 тохижилт хийсэн тус төвийн нэг давхарт нь гарааны бизнесүүдийг бойжуулж, үйл ажиллагааг нь хурдасгах зорилготой оффисууд, амралтын хэсэг, хурал, сургалтын өрөөтэй бөгөөд хоёрдугаар давхар нь оффис шаардлагатай хувь хүн, оюутнууд болон бизнес эрхлэгчдэд зориулан ашиглалтанд орно. 4-12 хүний багтаамжтай 13 оффисын өрөөнд нийслэлд чухал шаардлагатай асуудлуудыг шийдэх зорилготой гарааны бизнесүүдийг шалгаруулан оруулах юм байна.
Тус төв нээгдсэнээр шинэ залуу бизнес эрхлэгчид ажлын таатай орчинтой болж, бизнесийн орчинд амжилттай ажиллаж байгаа хүмүүстэй танилцан, тусламж авах боломжтой болж байгаагаас гадна нийслэл хотын маань иргэд хүссэн үедээ хүрэлцэн ирж суух боломжтой ажлын орчинтой болно гэсэн үг юм.
Харин тус төвийн зохион байгуулалтын ажлыг төр, хувийн хэвшлийн хамтын ажиллагааны жишиг болж амжилттай яваа гарааны бизнес болох Unread хийнэ.
Энэхүү төвийн нээлтийн үйл ажиллагаанд УИХ-ын гишүүд, НИТХ-ын тэргүүд, Нийслэлийн Засаг дарга бөгөөд Улаанбаатар хотын Захирагч С.Батболд, Нийслэлийн удирдах албан тушаалтнууд, инновацийн экосистемийн оролцогч талууд болох гарааны компаниуд, менторууд болон төр хувийн хэвшлийн төлөөллүүд хүрэлцэн ирж тус төвтэй танилцана.
Олон нийтэд нээлттэй нээлтийн арга хэмжээний үеэр иргэд шинэ, сонирхолтой бизнесүүдийн үйл ажиллагаатай танилцаж, өөрсдөө оролцохоос гадна олон сонирхолтой илтгэл, лекцүүдийг үнэ төлбөргүй хүлээн авч болно. Мөн үйл ажиллагааны үеэр Ай Ти Зон компаний ерөнхий захирал Н.Баттулга, Монгол ТВ гүйцэтгэх захирал Н.Баттулга, DeFacto хөтлөгч, нийтлэлч Д.Жаргалсайхан гэх мэт 15 менторуудтай хүрэлцэн ирсэн бүх л хүн ярилцах, зөвлөгөө авах боломжтой.
HUB ИННОВАЦИЙН ТӨВИЙН ҮЙЛ АЖИЛЛАГАА
HUB Coworking - Дундын оффис буюу Ажлын орчны ирээдүй
HUB Incubator - Бизнесийн инкубатор буюу Шинэлэг шийдлийн уурхай
HUB Labs - Бүтээгчдийн лаб буюу Мөрөөдөл биежих талбар
HUB Events - Арга хэмжээнүүд буюу Санаа уралдуулах дэвжээ
Нийслэл дэх гарааны бизнесүүдийг бойжуулах, шинэ санаа, инновацийг дэмжих, үйл ажиллагаагаа эхлүүлсэн гарааны бизнесүүдийн цаашдын хөгжилд туслалцаа үзүүлэх зорилт бүхий “Нийслэлийн Инновацийн өдөрлөг” боллоо.
Өдөрлөгийн хүрээнд Улаанбаатар хотод шинэ санаа, инновацид суурилсан гарааны бизнесүүдийг хөгжүүлж бойжуулах, залуучуудыг ажлын таатай орчноор дэмжих, инновацийн оролцогч талуудын хамтын ажиллагааг бүрдүүлж инновацийн тогтолцоог бий болгох зорилго бүхий “Улаанбаатар инновацийн төв” нээлтээ хийх юм.
Мэдлэгт тулгуурласан, инновацийн технологи бүхий үйлдвэрлэл үйлчилгээ нь тогтвортой хөгжлийн гол хүчин зүйл болж буй өнөө үед нийслэл хотын Инновацийн төв байгуулагдаж байгаа нь шинэ залуу энтрепренэрүүд, гарааны бизнес эрхлэгчдийг дэмжих үр дүнтэй арга юм. Залуучуудыг шинэ санаа, инновациа бодитоор хэрэгжүүлэх, ажил хэрэг болоход тушаа болдог оффисын асуудлыг шийдэж байгаагаас гадна тухайн салбартаа амжилттай ажиллаж буй бизнес эрхлэгчдээс тусламж, зөвлөгөө авах боломж олгож байгаагаараа энэ төв онцлог.
1500 м2 тохижилт хийсэн тус төвийн нэг давхарт нь гарааны бизнесүүдийг бойжуулж, үйл ажиллагааг нь хурдасгах зорилготой оффисууд, амралтын хэсэг, хурал, сургалтын өрөөтэй бөгөөд хоёрдугаар давхар нь оффис шаардлагатай хувь хүн, оюутнууд болон бизнес эрхлэгчдэд зориулан ашиглалтанд орно. 4-12 хүний багтаамжтай 13 оффисын өрөөнд нийслэлд чухал шаардлагатай асуудлуудыг шийдэх зорилготой гарааны бизнесүүдийг шалгаруулан оруулах юм байна.
Тус төв нээгдсэнээр шинэ залуу бизнес эрхлэгчид ажлын таатай орчинтой болж, бизнесийн орчинд амжилттай ажиллаж байгаа хүмүүстэй танилцан, тусламж авах боломжтой болж байгаагаас гадна нийслэл хотын маань иргэд хүссэн үедээ хүрэлцэн ирж суух боломжтой ажлын орчинтой болно гэсэн үг юм.
Харин тус төвийн зохион байгуулалтын ажлыг төр, хувийн хэвшлийн хамтын ажиллагааны жишиг болж амжилттай яваа гарааны бизнес болох Unread хийнэ.
Энэхүү төвийн нээлтийн үйл ажиллагаанд УИХ-ын гишүүд, НИТХ-ын тэргүүд, Нийслэлийн Засаг дарга бөгөөд Улаанбаатар хотын Захирагч С.Батболд, Нийслэлийн удирдах албан тушаалтнууд, инновацийн экосистемийн оролцогч талууд болох гарааны компаниуд, менторууд болон төр хувийн хэвшлийн төлөөллүүд хүрэлцэн ирж тус төвтэй танилцана.
Олон нийтэд нээлттэй нээлтийн арга хэмжээний үеэр иргэд шинэ, сонирхолтой бизнесүүдийн үйл ажиллагаатай танилцаж, өөрсдөө оролцохоос гадна олон сонирхолтой илтгэл, лекцүүдийг үнэ төлбөргүй хүлээн авч болно. Мөн үйл ажиллагааны үеэр Ай Ти Зон компаний ерөнхий захирал Н.Баттулга, Монгол ТВ гүйцэтгэх захирал Н.Баттулга, DeFacto хөтлөгч, нийтлэлч Д.Жаргалсайхан гэх мэт 15 менторуудтай хүрэлцэн ирсэн бүх л хүн ярилцах, зөвлөгөө авах боломжтой.
HUB ИННОВАЦИЙН ТӨВИЙН ҮЙЛ АЖИЛЛАГАА
HUB Coworking - Дундын оффис буюу Ажлын орчны ирээдүй
HUB Incubator - Бизнесийн инкубатор буюу Шинэлэг шийдлийн уурхай
HUB Labs - Бүтээгчдийн лаб буюу Мөрөөдөл биежих талбар
HUB Events - Арга хэмжээнүүд буюу Санаа уралдуулах дэвжээ
