Морин өртөөний элч садгүй явбал өдөрт 150-300 бээр буюу 200-500-аад км газар туулдаг байсан нь 13-р зуунд өртөөний үйлчилгээ ямар шуурхай, эдийн засгийн ашиг тустай байсныг харуулж байна. Хубилай хааны үед бүх өртөөний морь 5 бум гаруй, өртөөний өргөө 1 түм гаруй хүрч байсан гэдэг.

Хүннү улсад Оуто ван буюу өртөө ноён хэмээх албан тушаал байсан тухай түүхэн сурвалжуудад тэмдэглэсэн байдаг. Энэ бол өртөө, улаа хариуцсан өндөр албан тушаалтан байсан нь тодорхой. Энэ нь явсаар Өгөөдэй хааны үед морин өртөө болсон түүхтэй. Улмаар нарийн зохион байгуулалт, цэргийн хатуу сахилгатай систем болсон бөгөөд иргэдийн мал хуй, хөрөнгө, хүчинд тулгуурласан алба байжээ...

“Тал нутгийн эдийн засаг” нэвтрүүлгийн “Морин өртөө” дугаарыг сонсоно уу.