Ялалтын баярын сүрт жагсаалыг шууд дамжуулж байна

ОХУ-ын нийслэл Москва хотын Улаан талбайд 1941-1945 онд болсон Аугаа их эх орны дайнд ялсны 73 жилийн ойн сүрт жагсаал эхэлж байна. 

Ёслолын сүрт жагсаалыг Ерөнхийлөгч Владимир Путин нээж үг хэлсний дараа ОХУ-ын сүлд дуу эгшиглэсэн юм. 

Ерөнхийлөгч В.Путин: 

"Дэлхийн олон үндэстэн агуу их ялалтын төлөө ард түмэн өөрсдийгөө золиосолж ялалтад хүрсэн юм. Хүн төрөлхтөн дайны гашуун сургамжийг мартаагүй. Сая сая ард иргэдийн сайн сайхны төлөө амь насаа зориулсан. 

Фронтод цэрэг дайчид тулалдаж байхад ар талд нь энгийн иргэд тэднийг бүх зүйлээр хангахаар өдөр шөнөгүй хөдөмөрлөж байсан юм. Тавдугаар сарын 9 олон хүнийг нэгтгэдэг баяр юм. Дайнаас ирээгүй бүх хүний төлөө бид мэхийн ёсолж байна. Бид аав, ээж, ах, дүү, анх нөхдөө алдсан юм. 

1941 оны зургадугаар сард Зөвлөлтийн ард түмний айл болгонд дайн ирсэн. Олон сая хүүхэд өнчирч хоцорсон. Бид дайныг хүлээн зөвшөөрөх ёсгүй. Дэлхийн хүн төрөлөхтөн бид бие биеэ хүндэтгэх хэрэгтэй." хэмээсэн юм.

Сүрт жагсаалд офицерууд, түрүүч, байлдагчид болон цэргийн сургуулийн сонсогчид оролцож байна. Мөн танк, цэргийн машин, робот зэрэг цэргийн хүчний 150 гаруй техникийн цуваа, 75 онгоц, нисдэг тэрэг болон Су-57 сөнөөгч, пуужин зэрэг нисэх хүчний парад явах юм.

Эх сурвалж: Россия ТВ, ria.ru