Хөөрхөн бяцхан хүүхдүүдийн маань үзэх дуртай үндэсний контент болсон Маамуу цуврал анимэйшн хүүхэлдэйн киноны шинэ анги багачууддаа хүрэхэд бэлэн болжээ.

Өндөр зардлаар бүтдэг дээрхи анимэйшн төрлийг дотооддоо маш чанартайгаар амжилттай бүтээж чадсан Монгол Контент байгууллагын хамт олон энэ удаад “НАВЧТАЙ НАМАР” шинэ ангийг Univision, Skymedia –ийн видео санд оруулжээ.

Тус анги нь өнгөрсөн шинэ жилээс хойш гарч буй “Өхөөрдөм өвөл”, “Ханиадтай хавар”, “Зугаатай зун” ангиудыг багтаасан жилийн дөрвөн улирлын сэдэвтэй 2 дахь цувралын 4 дэх анги болж байгаа юм.

"Маамуу" хүүхэлдэйн киноны ДӨРВӨН АНГИ бүхий хоёр дахь цувралыг БҮХЛЭЭР НЬ 3,000₮ -н үнэтэйгээр үзэх боломжтой аж.

Хоёр дахь цувралын дөрвөн ангиас бяцхан хүүхдүүд маань улирлын талаарх танин мэдэхүйн мэдээлэлтэй болох юм.

Манай улсад дутагдаж буй хүүхдийн контентийн орон зайг маш сайн нөхөж, цагаа олон гарч ирсэн “Маамуу” цуврал хүүхэлдэйн киноны эхний долоон ангийг Монголын анхны дижитал контент үйлдвэрлэгч “Монгол Контент” ХХК-с жил гаруйн хугацаанд бүтээж, телевизийн сувгуудаар дамжуулан үзэгч бяцхан хүүхдүүддээ хүргэсэн билээ.

Univision -с үзэх заавар: Меню > Бүх кино > Хүүхэлдэйн кино > Бүх насныхан > Маамуу 2