Дөрөвдүгээр сарын нэгний өдрөөс "Төв банкны тухай хууль"-д орсон нэмэлт, өөрчлөлт хэрэгжиж эхлээд байна. Энэхүү хуулиар Монголбанк найман өөр чиглэлээр үйл ажиллагаа эрхэлдэг болж байгаа юм.

Эн тэргүүнд мөнгөний бодлого боловсруулж, хэрэгжүүлэх, Засгийн газрын санхүүгийн зуучлагчийн үүрэг гүйцэтгэх, үндэсний төлбөрийн систем, холбогдох үйл ажиллагааг удирдан, зохион байгуулах, зохицуулах чиглэлийг баримталж байна.

Үүнээс гадна Төв банк гадаад валютын улсын нөөцийг эзэмших, удирдах, банкны харилцагч, хадгаламж эзэмшигчдийн эрх, хууль ёсны ашиг сонирхлыг хамгаалах, мөнгөн тэмдэгт гүйлгээнд гаргах, зохицуулах ажлууд хийж байгаа юм.

Мөн шинэчлэн баталсан "Төв банкны тухай хууль"-д зааснаар макро зохистой бодлого хэрэгжүүлэхээр тусгажээ. Энэ дагуу макро зохистой бодлогыг заавал байлгах нөөц зэрэг хэрэгслүүдээс ашиглан хэрэгжүүлнэ гэж тусгасан аж.

О.Одгэрэл
Холбоо барих: odgerel.o@bloombergtvmongolia.com
minjma.g@bloombergtvmongolia.com