ОХУ-ын Ерөнхийлөгчийн сонгууль өнөөдөр болж байна. Нэрээ нууцалсан хэсэг бүлэг хүмүүс /иргэд В.Путины дэмжигжид гэж үзэж буй/ сонгогчдоо татах нэгэн сонирхолтой арга хэрэглэжээ. 

Насанд хүрсэн хүн болгон сонгогчид. Тэгвэл тэднийг санал өгөхийг уриалах зорилготойгоор насанд хүрэгчдэд зориулсан сурталчилгааг эрчүүдийн "Максим" сэтгүүлд нийтэлжээ.

Уг сурталчилгаандаа дотуур хувцастай дур булаам моделиуд тоглуулсан бөгөөд 

• "Насанд хүрэгчдийн ертөнцөд тавтай морил!"
• "Эхлээд танд бага зэрэг аймшигтай санагдаж магадгүй. Гэвч та дахиад хийхийг хүснэ"
• "Чи яг 18 хүрсэн үү?"
• "Санал хураах байранд болсон бүх зүйл санал хураах байрандаа л үлдэнэ" гэх бичигтэй зургууд нийтэлжээ.

Тус сэтгүүлийн зүгээс захиалагчийг нууцалсан бөгөөд видео сурталчилгаанд л гэхэд хэн нэг нэр дэвшигчийн нэрийг огт цухуйлгаагүй аж.

Хамгийн гол нь сонгуулийн ирц өндөр байх нь юу юунаас илүү чухал билээ. Ирц өндөр байх нь В.Путинд Ерөнхийлөгчийн сонгуулийн эхний шатанд ялалт байгуулахад чухал ач холбогдолтой аж.