ТЕГ-ын дарга асан Б.Хурцтай холбоотой эхний шүүх хуралдааны шийдвэр өнөөдөр тодорхой болсон. Баянзүрх дүүргийн иргэний хэргийн анхан шатны шүүхээс УИХ-ын гишүүн Ж.Батзандан Б.Хурцаас уучлал гуйх нь зүйтэй гэж шийдвэрлэсэн юм. Харин Ж.Батзандан гишүүн шүүхийн шийдвэрийг биелүүлэхгүй гэдгээ мэдэгдээд байна.

Тэгвэл Хан-Уул дүүргийн Иргэний хэргийн анхан шатны шүүхэд мөн л Б.Хурцтай холбоотой өөр гомдлыг хэлэлцэхээр зэхэж байна. Энэ удаад нэхэмжлэлийг Ерөнхий сайд асан Н.Алтанхуяг гаргажээ.

Тэрээр өнгөрсөн арван хоёрдугаар сард шүүхэд нэхэмжлэл гаргасан ч шүүх хурал өнөөг хүртэл болоогүй. Учир нь Б.Хурц иргэний үнэмлэх дээр нь заасан хаягт оршин суудаггүй аж. Иймд түүнийг улс даяар эрэн сурвалжилж байна.