Нийслэлийн статистикийн газрын нийслэлийн хүн амтай холбоотой зарим тоо баримтыг хүргэж байна.

Хэдхэн мянгаас эхэлсэн хүн ам өдгөө 1,4 саяд хүрчээ.

Дөрвөн уулынхаа дунд амьдрах бид цаашид ч бүр олуулаа болох нь ойлгомжтой. 

Та энэхүү графикийг он цагийн хэлхээсээр харах боломжтой.

ШИЛЖИЛТ ХӨДӨЛГӨӨН

Агаарын бохирдлын эх үүсвэр болсон хүн бид хэдүүлээ байгаад хэдүүлээ болчихов оо. Хэдий үеэс шилжилт хөдөлгөөн ихэсч өнөөдрийн хүн амд хүрчихэв гэдгийг та бүхэн эндээс харах боломжтой. Ажил орлого руу, үр хүүхдийнхээ ирээдүйн боловсролд тэмүүлэн шилжин ирэгсдийг буруутгах аргагүй. Харин тэднийг ийнхүү шилжин ирэх их нүүдлийг бий болгосон төр засгийн үе үеийн удирдлагууд яагаад өнөөдрийг хүртэл бүсчилсэн хөгжлийг бий болгосонгүй вэ гэх харамсал төрнө. Орон нутагт, сумдад ажлын байр гэж бараг л үгүй. Цөөн хүн амтай тул түүнийг бий болгох ч арга үгүй. Ийнхүү үлгэн салган өдөр хоногийг өнгөрүүлсэн амьдралыг бий болгосны улмаас их хотын амьдрал руу тэмүүлсэн иргэдийн шилжих хөдөлгөөн хурдацтай нэмэгдэх болжээ. 

Статистик эх сурвалж: Нийслэлийн статистикийн газар