Боливи улсад байрлах Утурунку галт уул 250 мянга гаруй жилийн турш идэвхжээгүй буюу унтаа байсан ч сэрж магадгүй шинж тэмдгүүд үзүүлж эхэлснийг эрдэмтэд судалжээ.

Тодруулбал “Зомби галт уул” хэмээн нэрлэх энэ ууланд идэвхтэй галт уулаас ажиглагддаг хийн ялгаралт, чичирхийлэл, газар хөдлөлтийн шинж тэмдгүүд илэрсэн аж.

1990-ээд оноос хойш Утурунку галт уул орчимд газрын гадарга “сомбреро” малгай шиг /Мексикийн үндэсний малгай/ хэлбэртэй болж өөрчлөгдөж байгаа нь хиймэл дагуулын радар болон GPS хэмжилтээр ажиглагджээ.

Өөрөөр хэлбэл төв хэсгээрээ газрын гадаргаас өргөгдөж, эргэн тойрон нь доош сууж байгаа үзэгдэл юм.

Улмаар АНУ, Их Британи, БНХАУ-ын судлаачид газар хөдлөл судлал, физикийн загварчлал, чулуулгийн найрлагын шинжилгээг хослуулан энэ хөдөлгөөний шалтгааныг судалсан байна.

Үр дүнд энэхүү галт уулын идэвхжлийн шинж нь уулын тогоо доторх шингэн ба хийний урсгалтай холбоотой болохыг тогтоожээ.

Утрунку галт уул нь дэлхийн царцдас дахь хамгийн том магмагийн биетийн дээр байрладаг тул дэлбэрвэл хүн амд томоохон аюул учруулах эрсдэлтэй аж.

Гэхдээ судалгааны үр дүнгээс уг галт уул дэлбэрэх магадлал бага гэж дүгнэсэн байна.

Эх сурвалж: АВС