Монголын үндэсний номын санд "Бүтээлч байгаль" төслийн танхимыг нээлээ.

Дэлхий нийтийн өмнө тулгамдаад буй асуудлууд болох уур амьсгалын өөрчлөлт, дулаарал, цөлжилт хурдацтай явагдаж буй нь монголчууд бидний ч тулгамдсан асуудал болоод буй.

Энэ цаг үед тогтвортой хөгжил, ногоон хөгжлийн асуудал нэн тэргүүнд тавигдаж "Байгаль орчинд ээлтэй амьдрах, амьдралын зөв дадал хэвшилд суралцах хандлагаа өөрчлөх, хүн бүрийн оролцоо чухал юм. Хүүхэд залууст экологийн боловсрол олгох замаар байгаль орчны үнэ цэнийг бүтээлчээр ойлгуулах сургалт, мэдээллийн танхим тохижуулах, байнгын хөтөлбөр үйл ажиллагаа явуулах зорилготойгоор "Бүтээлч байгаль" экологийн боловсролын танхимтай болжээ.

Уг танхимаар дамжуулж

• Ойн ургамлын хөтөлбөр
• "Цэнхэр алт" ус хөтөлбөр
• Цэвэрхэн дэлхий хог хаягдлын хөтөлбөр
• Хөрс хамгаалал хөтөлбөр
• Гар урлал хөтөлбөр
• Ан, амьтан хайрлах хөтөлбөр хэрэгжинэ гэв

Гэрэл зургийг Т.Бархас