Улаанбаатар хотын ихэнх байршлуудад агаар өглөөний 08:00 цагийн байдлаар бага зэргийн бохирдолтой байна гэж гарчээ. 

Мишээл экспо орчимд 93 буюу хэвийн байгаа бол Нисэх, Амгалан, Баруун дөрвөн зам, Бөхийн өргөө, Монгол газар, Ургах наран орчимд АЧИ 102-236 буюу бага зэргийн бохирдолтой байна.

Харин 100 айлд дунд зэргийн бохирдолтой, Телевизэд их бохирдолтой байгаа бол  Баянхошуу болон Толгойт орчимд маш их бохирдолтой байна. 

Агаарын чанарын индекс 51-100 заасан тохиолдолд агаарын чанар шаардлага хангах боловч зарим бохирдуулах бодисын нөлөөлөлд хэт мэдрэг хүмүүс өртөж болзошгүй юм. 

Харин Дэлхийн эрүүл мэндийн байгууллагын тогтоосноор агаарын чанарын индекс 500-гаас дээш давсан тохиолдолд хүүхэд, хөгшдийг гэрээсээ гарахгүй байх, гадаа биеийн хүчний ажил хийхгүй байхыг зөвлөдөг.