Эрүүл мэндийн яамнаас Өрхийн эрүүл мэндийн төвөөр дамжуулан олгодог Д аминдэмийн захиалгыг өгчээ.

Нэгдсэн үндэсний байгууллагын Хүүхдийн сангаар дамжуулан 336 мянган хүн тун Д аминдэмийг авах тушаал нь гарсан бөгөөд санхүүжилтийн асуудал оны өмнө шийдэгдсэн байна. Дээрх Д аминдэм хоёрдугаар сарын сүүлээр ирэх юм.

Д аминдэм хоёрдугаар сарын сүүлээр ирнэ

2016 оны “Хүн амын хоол тэжээлийн байдал” үндэсний V судалгааны дүнгээр хүүхэд, жирэмсэн эмэгтэй, эрчүүдийн дунд ч Д аминдэмийн дутал өндөр түвшинд гарсан. Тухайлбал, хүүхдүүдийн 90, жирэмсэн эмэгтэйчүүдийн 96 хувьд Д аминдэм хангалтгүй гэсэн үзүүлэлттэй гарсан талаар бид өмнө нь хөндөж байсан.

Харин ЭМЯ-наас ““Хүн амын хоол тэжээлийн байдал” V судалгаанд хүүхэд, жирэмсэн эмэгтэйчүүдийн дунд Д аминдэм хангалтгүй байгааг нотолсон. Тэгэхээр бид одоо ирэх аминдэмийг жирэмсэн, хөхүүл эхчүүд эсвэл хүүхдүүдэд өгөх шаардлагатай гэж харж байна. Д аминдэм ирсний дараа эрдэмтдийн баг ажиллаж алинд нь өгвөл илүү үр дүнтэй байх талаар судлах юм. Эрдэмтэд эрүүл эхээс эрүүл хүүхэд төрөх учраас жирэмсэн ээжүүдийг хангавал яасан юм гэсэн санал гаргаж байна. Гэхдээ эцсийн байдлаар шийдээгүй” гэдгийг хэлж байна.