Үндэсний хөгжмийн их найрал үүсгэн байгуулагдсаны 55 жилийн ойд зориулсан “Монгол төрийн үндэсний хөгжмийн их найрал” гала тоглолт энэ сарын 8-нд Соёлын төв өргөөнд болно.

Энэхүү тоглолт нь

• Монголын хөгжмийн зохиолчдын найрал хөгжимд зориулсан бүтээлийн цоморлиг,
• бүжгийн хөгжимд зориулсан бүтээлийн цоморлиг,
• гадаадын хөгжмийн зохиолчдын бүтээл,
• орчин үеийн рок поп урлагийн төлөөлөл гэсэн дөрвөн хэсгээс бүрдэнэ.

Тоглолтод Үндэсний урлагийн их театр бүрэн бүрэлдэхүүнээрээ, “Соёл Эрдэнэ” хамтлагийн анхны гишүүд, “Чингис хаан” одонт, Монгол Улсын гавьяат жүжигчин Г.Ариунбаатар, гавьяат жүжигчин Б.Сарантуяа, Урлагийн гавьяат зүтгэлтэн Б.Батчулуун, төгөлдөр хуурч Б.Чинбат нар оролцох юм.