Шинэ ачааны тэрэгний тухай дэлгэрэнгүй мэдээлэл байхгүй хэдий ч Тесла компани хэрэглэгч нарт зориулсан тансаг болон энгийн ангиллын суудлын тэрэгнээс түвшин ахиж, их хэмжээний даацтай, ачааны тэрэг үйлдвэрлэж эхлэх гэж байна.

Энэхүү ачааны тэрэг нь наймдугаар ангилал буюу 15 тонноос илүү жинтэй бүрэн цахилгаан хөдөлгүүртэй байх бөгөөд нэг цэнэгээрээ 480 км зам туулдаг, өөрийгөө жолоодох горимтой байх болов уу.

A post shared by Elon Musk (@elonmusk) on Nov 15, 2017 at 1:22pm PST

Үйл ажиллагаа албан ёсоор 12:00 цагаас эхлэх байсан хэдий ч 27 минут хоцорч эхлэв. Дөнгөж сая компанийг үүсгэн байгуулагч Элон Маск шинэ ачааны тэргээ танилцуулахаар тайзан дээр гарч ирлээ.

Энэхүү ачааны тэрэг 5 секундийн дотор 100 км/цагийн хурд авах аж. Харин ачаатай үедээ  секундэд ийм хурд авна. 

Хамгийн гайхалтай нь Теслагийн ачааны тэрэг нэг бүтэн цэнэгээрээ 800 км зам туулах чадалтай байх аж.

Ийм хол зай туулдаг, өндөр хурд авдаг шалтгаан нь машины загвартай холбоотой бөгөөд салхи зүсэх чадвар нь Bugatti-аас ч илүү юм байна.

Тесла ачааны тэрэгний жолоочийн суудал нь яг голдоо учраас жолоодоход илүү хялбар байх аж.

Цэнэглэх хугацааны хувьд 30 минутанд 640 км зам туулах хэмжээний цэнэг хуримтлуулах юм байна.

Даац ихтэй, өндөр хурдтай учраас аюулгүй байдал гэдэг хамгийн чухал зүйл болно. Ачааны тэрэг бүр автомат тоормос, эгнээгээ хадгалах, урд буй саадыг мэдэрч, анхааруулах системтэй байх аж.

Элон Маскын хэлсэн хамгийн сүртэй мэдэгдэл нь энэ ачааны тэрэг дөрвөн хөдөлгүүртэй бөгөөд 1,6 сая километрийн баталгаатай гэв.

Тоормосны систем нь тун сонирхолтой аж. Машин цахилгаан хөдөлгүүртэй учраас тоормослох бүрт үүсэж буй кинетик энергийг эрчим хүч болгон буцааж хөдөлгүүр рүү дамжуулах юм байна.

Ингэснээр тоормос нь хөдөлгүүрээ тэжээх эх үүсвэр болж, накладыг нь хэзээ ч солих шаардагагүй байх юм.

Дизель ачааны тэрэг 3 км тутамд 3 ам. долларын зардалтай байдаг бол Теслагийн шинэ ачааны тэрэг 2,5 ам. долларын зардалтай байх аж. Харин цуваагаар явж байгаа тохиолдолд гурван Тесла  ачааны тэрэгний нийт зардал дизель машинаас хоёр дахин хямд болох юм байна. 

Элон Маск машинаа танилцуулаад дуусав. 2019 оноос үйлдвэрлэж эхлэх бөгөөд урьдчилсан захиалга одооноос эхлэх аж. Гэхдээ үнийн хувьд ямар байхыг тэрээр дурдсангүй.

Тесла дөнгөж сая Roadster загварынхаа шинэ хувилбарыг тайзан дээр гаргаж ирлээ. Энэхүү загварын энгийн хувилбар нь 1,9 секундэд 100 км/цагийн хурд авах аж. Ингэснээр автомашины салбарын түүхэнд 2 секундээс бага хугацаанд 100 км/цагийн хурд авдаг машин болж байгаа юм.

Ингэснээр 400 метр замыг 8,9 секундэд туулах чадалтай гэсэн үг. Дээд хурд нь ойролцоогоор 400 км/ цаг, нэг цэнэгээрээ 1000 км зам туулж чадна.

Шинэ Roadster загвар гурван хөдөлгүүртэй, дөрвөн хүний суудалтай 2020 оноос худалдаанд гарах юм байна.