"Фантастик" продакшны бүтээл "Монгол Контент" ХХК, "F Studio"-гийн хамтран ажилласан "Зүрхний хилэн" УСК-ы "КИНО БҮТСЭН ТҮҮХ"-ийн төгсгөлийн 10 дахь дугаарыг толилуулж байна.

Кино баг дөрвөн улирал дамнан Дундговь, Сэлэнэ, Булган, Өмнөговь, Төв, Баянхонгор аймгийн нутгаар нийт 15 мянган км зам туулж, зураг авалтаа хийсэн байна. Можух буюу "Зүрхний хилэн" уран сайхны киноны Ерөнхий продюсер, Самдагийн дүрд тоглосон жүжигчин Б.Батсайхан зураг авалтад тус болсон нутгийн зон олондоо талархаж буйгаа илэрхийлжээ.

Тус киноны шилийн сайн эр Лодойн дүрд тоглосон Монгол Улсын гавьяат жүжигчин Г.Золбоот:

" "Зүрхний хилэн" киногоор их ч юм үзлээ. Бараг шилийн сайн эр болоод буулаа гэхэд буруудах юм алга. Ёстой л шандас шалгадаг юм байна" гээд "1800-аад оны үеийг 2017 онтой харьцуулаад үзээрэй. Бид "Манжийн дарлалын" үед явж байгаа юм биш үү, ард түмэн минь ээ" гэсэн юм.