Тэргүүн Шадар сайд бөгөөд Эдийн засаг, хөгжлийн сайд Л.Гантөмөр байгалийн хий дамжуулах хоолойн төслийн явцтай танилцлаа.

Монголын нутгаар дамжин өнгөрөх хийн хоолойн төслийн асуудлаар Тэргүүн шадар сайд, эдийн засаг, хөгжлийн сайд Л.Гантөмөр Аж үйлдвэр, эрдэс баялгийн сайд Ц.Туваан, Монгол Улсын Тусгай үүрэг гүйцэтгэгч элчин сайд З.Энхболд, “Эрдэнэс Монгол” ХХК-ийн “Эрдэнэс газ” төслийн удирдагч Д.Даваа зэрэг албаны хүмүүстэй уулзжээ.

Өнөөдрийн байдлаар инженерийн судалгааг хийж дуусгасан байна.

Төслийн байгаль орчинд үзүүлэх нөлөөллийн үнэлгээг энэ онд багтаан дуусгана. Хоёр хөрш хоорондоо гэрээ хийж баталгаажтал бид бэлтгэлээ хангана гэв.

Монгол, Орос хоёр талын хүрээнд “Харилцан ойлголцлын санамж бичиг” болон “Эрмэлзлийн санамж бичиг” байгуулж, маршрутаа тогтсон. Хятадын тал Орос-Монгол-Хятадын байгалийн хийн хоолойн төсөл удахгүй хэрэгжинэ гэдэгт итгэж байгаагаа илэрхийлсээр байна.

Төслийн онцлох үр нөлөө:

Эдийн засгийн өсөлт: Шинэ хөрөнгө оруулалт орж, төсөвт тодорхой хэмжээний орлого нэмэгдэнэ.

Ажлын байр нэмэгдүүлэх: Төслийн хэрэгжилих явцад олон ажлын байр бий болж, иргэдийн амьжиргаанд эерэг нөлөө үзүүлнэ.

Эрчим хүчний шинэ эх үүсвэр: Байгалийн хий нэвтэрснээр аж үйлдвэр, айл өрхүүд байгальд ээлтэй, хямд эрчим хүчний эх үүсвэрээр хангагдаж, улмаар Улаанбаатарын агаарыг бохирдлыг бууруулах боломжтой болно.

Олон улсын хамтын ажиллагаа: ОХУ, БНХАУ-тай хамтран хэрэгжүүлж буй энэ төсөл нь бүс нутгийн эдийн засгийн хамтын ажиллагааг бэхжүүлнэ.

Эх сурвалж: Эдийн засаг, хөгжлийн яам