-Өнөөдөр Дэлхийн орчны эрүүл мэндийн өдөр-

Жил бүрийн есдүгээр сарын 26-ныг Дэлхийн орчны эрүүл мэндийн өдөр болгон тэмдэглэдэг. Энэ жил “Дотоод болон гадаад орчны агаарын чанар” нэртэйгээр дэлхий даяар тэмдэглэж байна.

Хүн амьдралынхаа 90 орчим хувийг дотоод орчин буюу ажлын байр, гэрийн нөхцөлд өнгөрүүлдэг. Агаарын бохирдол гэхээр бид зөвхөн нийгмийн чиглэлээр ойлгоод байдаг. Гэтэл бидний амьдарч буй дотоод орчин талаас нөлөөлөх нөлөөлөл их бий.

Хүн мэргэжлээсээ шалтгаалаад нэг өдрийнхөө 80-90 хувийг дотор орчинд өнгөрөөдөг гэсэн судалгаа байдаг. Гэрт, ажлын байранд гэх мэтчилэн ихэнх цагаа битүү орчинд байдаг учраас гадаад төдийгүй дотоод орчны бохирдлоос урьдчилан сэргийлэхэд анхаарлаа хандуулах нь зүйтэй.

Нийгмийн эрүүл мэндийн үндэсний төвөөс бэлтгэсэн дотоод орчны агаарын бохирдолд нөлөөлөх хүчин зүйлс, тэдгээрээс хэрхэн урьдчилан сэргийлэх талаар мэдээллийн графикийг хүргэж байна.