Гадаад харилцааны сайд Ц.Мөнх-Оргил энэ сарын 20-24-нд ОХУ болон Израиль улсад ажлын айлчлал хийхээр болсон тухай "Засгийн газрын мэдээ" сонин онцоллоо. Мөн наймдугаар сарын 30-аас есдүгээр сарын 1-нд Бусан хотноо болох Зүүн Ази, Латин Америкийн хамтын ажиллагааны чуулга уулзалтад оролцохоор төлөвлөжээ. Ирэх сард болох НҮБ-ын Ерөнхий Ассамблейн 72 дугаар чуулганд Гадаад харилцааны яам бэлтгэж байгаа тухайгаа мэдэгдсэн.

Чуулган есдүгээр сарын 19-24-нд АНУ-д зохион байгуулагдах юм. Үүнтэй холбогдуулан, Гадаад харилцааны сайд Ц.Мөнх-Оргил гадаад худалдаа, хөрөнгө оруулалтыг нэмэгдүүлэх бодлогын хүрээнд Монгол Улс болон Евразийн Эдийн Засгийн Холбооны гишүүн орнуудын анхдугаар бизнес чуулга уулзалтыг зохион байгуулахаар ажиллаж байгаа юм. Мөн Монгол-Солонгосын хооронд чөлөөт худалдааны хэлэлцээр байгуулах судалгааны багийн уулзалт болон Монгол, БНХАУ, ОХУ-ын “Эдийн засгийн коридор байгуулах хөтөлбөр”-ийн шинжээчдийн уулзалтыг зохион байгуулахаар төлөвлөжээ.

Х.Дөлгөөн