Наадмын өмнө 2300 руу уруудсан ам.долларын ханш 2400-г даван, тавдугаар сарын үнэд эргэн очлоо. Өнөөдөр банкууд нэг ам.долларыг 2414 төгрөгөөр худалдан авч байгаа бол валют солих цэгүүд 2420 төгрөгөөр иргэдэд худалдаалж байна.  

Ам.долларын ханш алгуур өссөн тул Төв банк өчигдөр үнэт цаас гаргав. Нэг долоо хоногийн хугацаатай, 604 тэрбум төгрөгийн үнэт цаасыг банкуудад худалдлаа. Ийм  хэмжээний мөнгийг Төв банк татан төвлөрүүлснээр төгрөгийг ам.доллар болгон шилжүүлэх үйл явцаас урьдчилан сэргийлэх зорилготой юм.