Испанийн L’Home Dibuixat театрын "Помодорогийн адал явдал" Испанийн хүүхдийн жүжгийг энэ сарын 18, 19-нд 15:00 цагт "Корпорейт конвеншн центрт тоглох гэж байна.

Гурваас дээш насны хүүхэд үзэх тохиромжтой энэхүү жүжиг 45 минут үргэлжлэх бөгөөд монгол тайлбартайгаар тоглох юм байна.

Мөн тус театрын зүгээс жүжигчдэд зориулсан мэргэжлийн сургалт зохион явуулах юм байна.

ЖҮЖГИЙН ТАНИЛЦУУЛГА:

“"Помодорогийн адал явдал"” хүүхэлдэйн жүжиг нь дуу, дүрсний эффектээр баяжуулагдсан, дэлгэц болон тайцан дээрх харилцан яриагаар өрнөдөг. 2015 онд нээлтээ хийснээс хойш Франц, Испани, Польш, БНХАУ, Өмнөд солонгос зэрэг улсуудад нийт 50 гаруй удаагийн тоглолтыг хийсэн байна.

ЖҮЖГИЙН АГУУЛГА:

...Та өнөөдөр хэн ч байж болно. Гагцхүү таны мөрөөдөл, хүсэл тэмүүлэл, уйгагүй хөдөлмөр, ухралтгүй зүтгэл тань таныг урагш хөтлөж амжилтанд хүргэх гүүр тань болно.

Хүний биеийг олж төрнө гэдэг нэгэн том аз завшаан. Түүний дотор өөрийн мөрөөдлөө биелүүлж, мөрөөдлөөрөө жигүүр хийн амьдрах нь ховорхон тохиол билээ. Тус жүжигт эгэл жирийн нэгэн хүү өөрийн авъяас билэг, олныг алмайруулсан тоглолтыг хийдэг ЦИРКЧИЙН ЖҮЖИГЧИН болох мөрөөдлөө биелүүлэхийг зорино.

Гэвч түүнээс өөр хэнд ч тэрхүү мөрөөдөл сонин биш, бүр шоолж, үл тоож байлаа. Цаг хугацаа улиран одож бяцхан хүү мөрөөдлөө зүрхэндээ тээсээр л... Нэг л өдөр тэрээр мөрөөдлийнхөө үнэ цэнийг ойлгоход туслах нэгэнтэй учирч мөрөөдөлдөө хүрэх эхний алхамаа хийнэ. Тэрхүү мөрөөдөгч хүү бол зохиолын гол баатар буюу Помодоро юм.

Алсын хараа амжилтын төлөөх хүсэлгүйгээс бусдын эрхшээлээр амьдарч, бусдын мөрөөдлийг биелүүлэх нэгэн шат гишгүүр нь болж амьдрахаар, Сэтгэлдээ соёолж байгаа тэр мөрөөдлөө бодит болгохын тулд амьдралаа өөрчилж, мөрөөдлийнхөө төлөө тэмцэх хэрэгтэй.

Зохиолч: Tian Gombau
Жүжигчин: Tian Gombau, Anna Dobon
Найруулга: Panchi Vivo, Tian Gombau
Eрөнхий зураач: Isa Soto

Тасалбарын үнэ: 15.000₮ (3-8 нас хүртэлх насны хүүхэд эцэг эхийн аль нэгнийх нь хамт орж болно)

Соёл урлагийг дэмжигч GoGo мэдээний агентлаг