Шүдлэн насны морьдын уралдаан өндөрлөлөө. 14.00 цагаас эхлэх байсан шүдлэн насны морьдын уралдаан 16.00 цагт эхэлж, 200 орчим үрээг эрлийз хэмээн хасав.

Ингээд гараанаас нийт 59 үрээ гарч, Өмнөговь аймгийн Цогтцэций сумын уяач Наранцэцэгийн Алдаржаргалын уясан шарга үрээ 16 минут 47 секундэд барианд орж, наадамчин олныг баярлууллаа.

• Харин аман хүзүүнд Ховд аймгийн харьяат, Монгол Улсын тод манлай уяач Түвдэнгийн Батцоожийн уясан,  Завхан аймгийн Цагаан чулуут сумын уяач Балдоржийн Баярдоржийн хээр үрээ,
  
  
• Айргийн гуравт Дундговь аймгийн Эрдэнэдалай сумын уяач н.Сумьяасүрэнгийн хурдан цагаан үрээ,
  
  
• Айргийн дөрөвт Төв аймгийн Заамар сумын хурдан уяач Ариунбаярын хээр үрээ,
  
  
• Айргийн тавд мөн Заамар сумын уяач н.Энхболдын  үрээ тус тус хурдаллаа.