Үндэсний олон нийтийн телевизээс маргааш буюу зургаадугаар сарын 24-ний өдөр гурван нэр дэвшигчийн мэтгэлцээнийг зохион байгуулахаар болжээ.

МАН-аас нэр дэвшигч М.Энхболд, АН-аас нэр дэвшигч Х.Баттулга, МАХН-аас нэр дэвшигч С.Ганбаатар нарын оролцох "Монгол Улсын Ерөнхийлөгчийн сонгууль-2017" халз мэтгэлцээн 21:00 цагаас Үндэсний телевиз, "Монголын мэдээ" телевиз, Монголын радиогоор шууд нэвтрэх ажээ.

Иргэдээс асуулт авах үйл ажиллагааг өнөөдөр 24.00 цаг хүртэл зохион байгуулна. Асуултыг:

-Эрх зүй, шударга ёс

-Эдийн засаг, нийгмийн байдал

-Аюулгүй байдал, гадаад бодлого

-Тухайн нэр дэвшигчид хандсан асуулт гэсэн дөрвөн чиглэлээр хүлээн авна гэлээ.

Та бүхэн асуултаа 318971, 328643, 7000-1630 дугаарын утсаар болон songuul2017_asuult@mnb.mn мэйл хаягаар http://election2017.mnb.mn хаягаар өгөх боломжтой.