Монгол улс 6000 гаруй га талбайгаас 3000 мянган тонн жимс хурааж байгаагийн 90 хувь нь чацаргана байна. Хаан жимс чацарганыг 1965 оноос ОХУ-аас суулгац авчран тарималжуулж эхэлсэн. Харин жилд дунджаар 16-22 мянган тонн жимс жимсгэнийг манайхан импортолдог. Тэдгээр жимсний гарал үүсэл, генетгийн өөрчлөлттэй эсэхийг мэдэх боломжгүй. Үүнийг тогтоох  лабортори ч байхгүй тул шууд л хэрэглээнд нийлүүлдэг.

Дэлхий дахинаа чацарганы орцтой бүтээгдэхүүнийг асар олноор үйлдвэрлэж, сонирхож байх энэ цаг үед бидний алтан боломж ирж байна. Гэхдээ дэлхий юу хүсч байна гэдэг чухал. Голчлон цэвэр шүүсийг хөлдөөж, хатаах аргаар хуурайшуулсан бэлдмэл болоод үрийн тос эрэлт ихтэй.

Чацарганы суулгац тариад жимсээ хурааж авах хүртэл 3 жил шаарддаг тул хөрөнгө оруулалтын эргэлт удаашралтай байгаа юм. Иймд чацаргана тариалагчид шантрах тал бий. Хужир тунг нь тааруулсан чацаргана харин ч өгөөж өндөртэй байдгийг хашир тариаланчид хэлэх...