Зуслангийн саравч, цэцэрлэгээ хялбар аргаар, үзэмжтэй тохижуулах санаа хайж буй бол энэ мэдээлэлд анхаарлаа хандуулаарай. Барьж байгаа барилгын эргэн тойронд, заримдаа хаа нэгтээ хэвтэх блокнууд явах замд тээр болж, гудамж талбайд бохирдол болоод хэвтэх тохиолдол элбэг.

Тэгвэл ийм блокийг хэдхэн ширхэг хөндлөвч модны тусламжтай тухтай суугаад цайлах сандал болгочиж болно. Зуслангийн сандал хайж цаг, мөнгөө үрж явахаар блок ашиглаад засчихвал элэгдэл, арчилгаа багатай сандлыг нэг өдөр л босгоно шүү дээ.

Сандалны хөндлөвч модыг төмөр, хуванцар хоолой гээд блокны нүхэнд орчих хэмжээний өргөн голчтой ямар ч эдээр орлуулж болно. Мөн зөөлөвч дэвсчихвэл ном унших, бүр дуг хийгээд авсан ч тухтай л байх болов уу.