-Mоол систем гэж юуг хэлж байна вэ?
-Моол систем гэдэг нь тухайн брэндийнхээ өнгө төрхийг илэрхийлсэн олон төрлийн дэлгүүрүүдийг нэгэн дээвэр дор нэгтгэсэн худалдааны төвийг хэлдэг. Гэхдээ энэ нь дэлхийн улс орнуудад янз бүрээр хөгжсөн байдаг. Сингапур, Америкийн томоохон худалдааны төвүүдээр ороод үзэхэд Моол дотор их дэлгүүр багтаж байх жишээтэй.

Их дэлгүүр гэдэг нь тасгуудыг нэгтгэсэн нэг том дэлгүүр бол моол нь дэлгүүрүүдийг нэгтгэсэн том худалдааны төв юм. Их дэлгүүрт худалдан авагчийн явах зам, талбай жижиг, давчуу байдаг бол “Моол”-ын орон зай нь өргөн, том байдаг. Энэ мэт ялгаа их бий. Их дэлгүүр бол моол худалдааны төвийн өмнөх үеийн хуучин систем юм. Монголд томоохон их дэлгүүр, худалдааны төв, “Моол”-ууд шинээр нээгдэж, үйл ажиллагаа явуулах болсон.

-Манайд “Моол” ямар түвшинд хөгжиж байна вэ?
-Би худалдааны салбарт социалист нийгэмд лангууны цаанаас үйлчилдэг хэвшмэл системээс нь эхэлж ажилласан болохоор энэ тал дээр ажиглаж явдаг л даа. Одоо цаг үе, нийгмээ дагаад манайд олон шинэ худалдааны төв Моол нээгдэж байгаа нь сайшаалтай хэрэг. Үүнээс өндөр зэрэглэлийг Централмоол Улаанбаатар их дэлгүүр, Наран плаза, Гранд плаза, Метромоол дэлгүүрүүд нээгдэн хүмүүсийн хэрэглээг хангаж байгааг хэрэглэгчид харж байна.



Монголд дээд зэрэглэлийн тренд гарч эхэлж байгаагийн жишээ гэж болно. Мөн Метромолл, Наран плаза, Улаанбаатар их дэлгүүр гэх мэт томоохон худалдааны төвүүд үйл ажиллагаа явуулж байна. Ийм олон том төвүүд, дэлгүүрүүд нээгдэж байгаагийн эцсийн дүнд хэрэглэгч л хожно. Алинаар нь үйлчлүүлэх нь тухайн хэрэглэгчийн сонголт.

-“МАХMALL” худалдааны төв хэзээ нээгдэх вэ. Худалдан авагчдад ямар таатай нөхцөлүүдийг бүрдүүлж өгөх бол?
-Дөрөвдүгээр сарын сүүлч, тавдугаар сарын эхээр нээлтээ хийхээр төлөвлөсөн. Бид моол системийн олон улсын стандартад бүрэн нийцсэн худалдаа, үйлчилгээг бий болгохыг зорьж байгаа.

Энэ хүрээнд манай худалдааны төвд гэр бүлээрээ ирээд бүх үйлчилгээгээ нэг дороос авах боломжтой. Манай улсын хүн амын 70 хувь нь 35-аас доош насны залуучууд байдаг. Бид үүн дээр их акцент өгч, хүүхэд залуучуудад нэлээд анхаарал хандуулж байгаа. Тиймээс манайд хүүхдийн хувцасны брэнд, тоглоомын төв, хүүхэд саатуулах газар хүртэл байх жишээтэй. Орчин үед хүмүүс боловсон, таатай орчинд таашаал авах маягаар цаг заваа өнгөрөөх сонирхолтой болсон шүү дээ. Манайд орж ирээд худалдан авалт хийхгүй байсан ч гоё сайхан зүйлс үзэж сонирхонгоо амарч тухлаж болно.



Мэдээж хэрэг “МАХMALL”-д дэлхийд алдартай фейшн брэндүүд, спортын трендүүд, цахилгаан бараа, гэр ахуй, гоо сайхан гээд хүний хэрэгцээ том, бага гэлтгүй бүгд багтаж байгаа. Мөн хамгийн дээд талын буюу тавдугаар давхарт өндөр зэрэглэлийн ресторан, ази, европ, түргэн хоолны газрууд байрлах юм. Доороо хоёр давхар подвальд машины гарааш байрлана. Худалдан авагчид энд машинаа тавиад лифтээр дээшээ гарч худалдаагаа хийгээд буцаад лифтээрээ буугаад машиндаа суух жишээтэй.



Энэ нь үйлчлүүлэгчид өвлийн цагт гадаа машинаа хөлдөөх, эд ангийг нь алдахаас хамгаална. Мөн “МАXMALL”-ын хамгийн гол онцлог нь дөрвөн одтой зочид буудалтай гэдгээрээ холимог бүтэцтэй төсөл болж байгаа юм. Бид зочид буудлын үйлчлүүлэгчийн эрэлт хэрэгцээнд зориулан ноолууран эдлэл үндэсний бэлэг дурсгал гэх мэт Монголын өв соёлыг харуулсан худалдааг явуулах болно.  

-Худалдан авагчдад хэрэгтэй, ашигтай мэдээлэл өгсөнд тань баярлалаа. “МАХMALL” худалдааны төвийг нээгдэхийг тэсэн ядан хүлээж байгаа үйлчлүүлэгчиддээ хандаж хэлэх зүйл бий байх.
-Улаанбаатарын худалдааны салбарт MAКС группийн нэгэн том худалдааны төв бүл нэмэх гэж байна. Хэрэглэгчдэдээ санаснаас нь илүү үйлчилгээг үзүүлэх зорилт тавин ажиллаж байгаа учраас та бүхэн манайд ирж үйлчлүүлээрэй, гэр бүлээрээ цаг заваа үр ашигтай, таатай өнгөрүүлээрэй гэж хэлье.