Уул уурхайн олборлолт, борлуулалтын үйл ажиллагаа явуулдаг бүхий л компанид зөв тоног төхөөрөмжийн сонголт маш чухал. Техник технологийн хөгжил, шинэчлэлт улам хурдацтай болж буй өнөө үед хөгжилтэй хөл нийлүүлэх боломжийг уул уурхайн тоног төхөөрөмжийн үзэсгэлэн олгодог.

“Mongolia mining 2017” үзэсгэлэн ирэх сарын эхээр Буянт-Ухаа спорт цогцолборт гурван өдрийн турш болно. Уул уурхайн бүхий л ханган нийлүүлэгчид болон үйлчилгээний компаниуд, тэдний харилцагчдыг энэ үзэсгэлэн нэгэн дээвэр дор нэгтгэдэг.

Дөрөвдүгээр сарын 5-7-ны өдрүүдэд болох үзэсгэлэнгийн хурал, зөвлөгөөнийг GoGo мэдээний агентлаг ШУУД дамжуулахаар боллоо.  

Уул уурхай төдийгүй зам, барилгын салбарынхан ч өргөн оролцдог болсон чуулганы бүхий л мэдээллийг уншигч та Mongolia mining 2017 цэснээс хүлээн аваарай.