Агаарын бохирдлын асуудлаар дэлхийд толгой цохидог Хятад улс байгаль орчинд ээлтэй, цахилгаан хөдөлгүүртэй машин бүтээх нь ерөөсөө л цаг хугацааны асуудал. Бээжинд төвтэй CH-Auto компани ийм төрлийн тэгээд спорт загварын машинаа танилцууллаа.

Бээжингийн авто шоуны үеэр компани хоёр хүний суудалтай машинаа авч иржээ. Эх сурвалжуудын мэдээлж байгаагаар “the Event” гэх энэ машин 48kWh батарейгаар ажилладаг тав хүрэхгүй секундэд 100 км/цаг хурдлах хүчин чадалтай аж.

220 волтийн хүчдэлд залгаад зургаан цаг цэнэглэж зай хураагуур нь дүүрэхэд машин нэг удаад дунджаар 250 км зам туулна. Одоогоор компани тодорхой үнэ хэлээгүй ч шинжээчид 700,000 юань буюу 221,200,000 төгрөг гэж таамаглаж байна.

Машин 2016 оны сүүлээр үйлдвэрлэгдэж эхлэх аж. Түүнчлэн компани яваандаа жилд 500,000 машин үйлдвэрлэх зорилт тавьжээ.

Эх сурвалж: