Тус онгоц Киприйн Ларнаки нисэх буудалд газардсан байна.

Орон нутгийн цагаар 08:30 цагийн үед онгоцыг барьцаалсан гэж "Cyprus Mail" хэвлэл тус улсын цагдаагийн газраас иш татан мэдээлжээ.

Тус онгоц Александриа хотоос өглөө 08 цагийн үед ниссэн байна. Зарим эх сурвалжууд 55  зорчигч, нисэх багийн долоон гишүүнтэй гэх /зарим эх сурвалжууд онгоцонд 81 хүн байгаа гэв/ энэ онгоцонд тэсрэг бөмбөг суурилуулсан байх магадлалтай гэжээ.

Харин ВВС барьцаалагч онгоцны ахмад болон зорчигчдод тавьсан шаардлагыг  биелүүлэхгүй бол дэлбэлнэ гэж сүрдүүлсэн тухай мэдээлэв.

Кипр энэхүү хэрэгтэй холбоотойгоор онцгой байдлын хоёр штаб байгуулсан байна. Одоогоор Ларнаки болон Пафос нисэх буудлыг удирддаг Hermes Airports компанийн удирдлагууд тайлбар өгөхөөс татгалзаад байна.

Барьцаалагдсан онгоцноос хүүхэд эмэгтэйчүүдийг суллаж эхэлсэн талаар тус улсын хэвлэл мэдээллийнхэн цагдаагийн газраас иш татан мэдээлж байна. Sky News-ийн мэдээлснээр одоогийн байдлаар 20 хүнийг суллажээ.

Онгоцноос дөрвөн зорчигч болон нисэх багийн гишүүдийг үлдээж, бусдыг нь сулласан талаар EgyptAir авиа компани мэдээллээ. "Зорчигчдыг суллах талаар барьцаалагчтай тохиролцож чадлаа. Гадаадын дөрвөн зорчигч, нисэх багийн гишүүд үлдсэн" гэжээ.

Negotiations with the Hijacker result in the release of all the passengers, except the crew and four foreigners.

— EGYPTAIR (@EGYPTAIR) March 29, 2016

Египетийн Иргэний агаарын яамнаас гадаадын таван хүн /өмнө нь дөрөв гэж мэдээлснийг залруулав/, нисэх багийн долоон гишүүн барьцаанд хэвээр байгаа ажээ.

Яамны мэдээллээр онгоцонд Америкийн найм, Голландын дөрөв, Бельгийн хоёр, Британийн дөрөв, Сири, Франц, Италийн тус бүр нэг иргэн зорчиж байжээ. Бусад нь египет хүмүүс юм байна.

EgyptAir авиа компанийн A320 онгоцыг барьцаалсан нь терроризмтэй холбоогүй, хувь хүн ийм үйлдэл хийсэн гэдгийг Киприйн ерөнхийлөгч  Никос Анастасиадис мэдэгдлээ.

Тэрээр "Энэ хэрэг терроризмтэй холбоогүй. Бүх зүйл нэгэн эмэгтэйгээс боллоо" хэмээн сэтгүүлчдэд ярьжээ.

Онгоц барьцаалагч Кипрт амьдардаг нэгэн эмэгтэйд /хуучин эхнэр нь байж болзошгүй/ араб хэл дээр бичсэн нэгэн захидлыг дамжуулж өгөхийг шаардсан байна. Тухайн эмэгтэй Ларнаки нисэх буудал руу явж байсан талаар хэвлэлийнхэн мэдээлж байна. Түүнчлэн онгоц барьцаалагч Кипрт улс төрийн орогнол хүссэн талаар Sky News сувгаар мэдээлжээ.

Онгоцонд барьцаалагдаад байсан бүх хүн суллагдсан байна.

Киприйн тусгайгийнхан барьцаалагчийг саатуулсан талаар Киприйн гадаад хэргийн яамнаас мэдээллээ. Онгоцыг 20 орчим тусгай хүчний бүрэн зэвсэглэсэн харуул хамгаалалт бүсэлсэн бөгөөд мэргэн буудагч нар байраа эзлэн, барьцаалагсдыг чөлөөлөхөд бэлтгэж байжээ.онгоц Онд байсан бүх хүнийг гаргаж чадсан байна.